महिलालाई बेपत्ता पारेको नरभक्षी बाघ नियन्त्रणमा, महिलाको अवस्था अझै अज्ञात

समाचार

गृहपृष्ठ
समाचार
महिलालाई बेपत्ता पारेको नरभक्षी बाघ नियन्त्रणमा, महिलाको अवस्था अझै अज्ञात

महिलालाई बेपत्ता पारेको नरभक्षी बाघ नियन्त्रणमा, महिलाको अवस्था अझै अज्ञात

शनिबार, वैशाख ९, २०८० बागेश्वरी पोस्ट

फाइल फोटो

नेपालगन्ज । कञ्चनपुरमा महिलालाई आक्रमण गरि बेपत्ता बनाउने बाघलाई नियन्त्रणमा लिइएको छ। कञ्चनपुरको बेलौरी नगरपालिका ८ खप्टी खोला नजिक आतंक फैलाउने उक्त बाघलाई नियन्त्रणमा लिइएको छ।

बर्दिया राष्ट्रिय निकुञ्जको प्राविधिक टोली, शुक्लाफाँटा वन्यजन्तु आरक्ष , वन डिभिजन कार्यालय, वनकर्मीको टोलीले बाघलाई नियन्त्रणमा लिइएको सब वन डिभिजन कार्यालय कुण्डाका प्रमुख दिनेशकुमार यादवले बताए ।

बाघलाई बेहोश पारेर नियन्त्रणमा लिइ शुक्लाफाँटा वन्यजन्तु आरक्षमा लगिएको वन अधिकृत यादवले बताए। बाघ भाग्न नदिन नेपाल प्रहरी , सशस्त्र प्रहरी र स्थानीयहरुले रातभर सो क्षेत्रमा घेराबन्दी गरेका थिए ।

बेलौरी-बेलडाँडी हुलाकी राजमार्गस्थित उक्त मानव बस्ती नजिकै पसेको बाघले शुक्रबार बेलौरी नगरपालिका ८ कि अन्दाजी ४५ वर्षीया गंगा चन्दमाथि आक्रमण गरेको थियो।

बाघको आक्रमणमा परी बेपत्ता रहेकी उनको खोजी कार्य जारी रहेको सहायक वन अधिकृत यादवले बताए । सो क्षेत्रमा पहिलोपटक बाघले आतंक मच्चाउन थालेपछि स्थानिय त्रसित बनेका थिए ।

प्रकाशित मिति: शनिबार, वैशाख ९, २०८० ११:३३

प्रतिक्रिया दिनुहोस्