शेयर लगानीकर्ताको आन्दोलन फिर्ता

अर्थ

गृहपृष्ठ
अर्थ
शेयर लगानीकर्ताको आन्दोलन फिर्ता

शेयर लगानीकर्ताको आन्दोलन फिर्ता

आइतबार, जेठ २१, २०८० बागेश्वरी पोस्ट

नेपालगन्ज । आन्दोलनरत शेयर लगानीकर्ता र अर्थ मन्त्रालयका अधिकारीबीच सहमति भएको छ । सहमतिसँगै शेयर लगानीकर्ताको आन्दोलन फिर्ता भएको छ ।

लगानीकर्ताले बजेटको २९ नं बुँँदा हटाउन माग गरेका थिए । शेयर लगानीकर्ताको तर्फबाट लगानीकर्ता तिलक कोइरालाको संयोजकमा अर्थ मन्त्रालयका अधिकारीसँग भएको वार्तामा सहमति भएको हो ।

कोइरालाका अनुसार अर्थमन्त्री डा. प्रकाशशरण महतले २९ नम्बरको बुँदा संसदीय समितिमा लगेर संसदीय प्रक्रियाबाट निष्क्रिय पार्ने आश्वासन दिएका छन् ।

अब ५ प्रतिशत र साढे ७ प्रतिशत पूँजीगत लाभकरलाई नै अन्तिम कर मानिनेछ । यसअघि आज बिहान मात्रै अर्थमन्त्रीलाई भेट्न गएका आन्दोलित शेयर लगानीकर्तालाई प्रहरीले रोकेको थियो ।

त्यस्तै शेयर बजारका लगानीकर्ताहरुले ब्रोकर कार्यालयमा ताला समेत लगाएका थिए । जसका कारण आज नेप्सेको प्रिओपन सेसनमा कारोबार नै भएन ।

प्रकाशित मिति: आइतबार, जेठ २१, २०८० १४:३७

प्रतिक्रिया दिनुहोस्