पुनः मतगणना गर्न ढिलाई गरेपछि फेरि तालाबन्दी

अर्थ

गृहपृष्ठ
अर्थ
पुनः मतगणना गर्न ढिलाई गरेपछि फेरि तालाबन्दी

पुनः मतगणना गर्न ढिलाई गरेपछि फेरि तालाबन्दी

शुक्रबार, भदौ ८, २०८० बागेश्वरी पोस्ट

नेपालगन्ज । विवादित बनेको महासचिव पदको पुन:मतगणना गर्न ढिलाई गरेको भन्दै साझा प्रजातान्त्रिक उद्योगी व्यवसायीहरुको समुहले नेपालगन्ज उद्योग वाणिज्य संघमा तालाबन्दी गरेको छ ।

महासचिव पदको आफ्ना उम्मेदवार टंकप्रसाद शर्मालाई सुनियोजित तरिकाले पराजित गरिएको भन्दै त्यसको बिरुद्धमा आज साँझ संघको कार्यालयमा अनिश्चितकालीन तालाबन्दी गरिएको हो ।

निर्वाचन आयुक्त टिकाजंग सिंहले सम्पूर्ण मतपत्र गणना नभएको अवस्थामा नतिजा सार्वजनिक गरेको भन्दै त्यसको विरुद्धमा संघमा अनिश्चितकालीन तालाबन्दी गरिएको नवनिर्वाचित कोषाध्यक्ष मख्खनबहादुर धामीले बताए । ताला लगाउने क्रममा उनले भने,‘निर्वाचन आयोगको जुन किसिमको रबैया छ, एकपक्षीय रुपमा निर्णय गरिएको छ । त्यसको बिरोध गरिएको हो । निर्वाचन टिमले स्वच्छ र धाँधलीरहित निर्वाचन सम्पन्न गर्नु पर्ने हो । तर, निर्वाचन आयोगले त्यस्तो नगरिकन हाम्रा उम्मेदवारलाई सुनियोजित रुपमा पराजित गरिएको छ ।’

महासचिव पदको पुनः मतगणना नहुँदासम्म साझा प्रजातान्त्रिकबाट विजेता बनेका पदाधिकारी र सदस्यहरुले सपथ नलिने धामीले घोषणा गरे । उनले अगाडी भने,‘हाम्रो आन्दोलन अनिश्चितकालीनरुपमा सुरु भएको छ । प्रमुख निर्वाचन आयुक्तको गलत क्रियाकलापको हामी घोर भत्र्सना गर्छौं । यो न्यायको लडाइँमा सरिक हुन हामी सम्पूर्ण नेपालगन्जवासी र संघका साधारण सदस्यहरुलाई अपिल गर्दछौं । सत्यको जीत हुनुपर्छ । हामीलाई हार पनि स्वीकार्य छ, जीत पनि स्वीकार्य छ । तर, त्यो मतदाताले मतदान गरेको मतपत्रबाट हुनु प¥यो ।’

प्रकाशित मिति: शुक्रबार, भदौ ८, २०८० २०:२०

प्रतिक्रिया दिनुहोस्