धनगढीमा आगलागी, अस्पतालसहित ८ पसल जले

अर्थ

गृहपृष्ठ
अर्थ
धनगढीमा आगलागी, अस्पतालसहित ८ पसल जले

धनगढीमा आगलागी, अस्पतालसहित ८ पसल जले

शनिबार, मंसिर २, २०८० बागेश्वरी पोस्ट

कैलाली । कैलालीको मुख्य बजार धनगढीमा आगलागी हुँदा अस्पतालसहित ८ पसल जलेका छन् । गए राति १ बजे धनगढीको मुख्य बजारमा रहेको खाद्य संस्थानको भवनमा रहेको सारथी अस्पतालसहितका पसलमा विद्युत सर्ट भएर आगलागी हुँदा अस्पतालसहित ८ पसल जलेको प्रहरीले जनाएको छ ।

प्रहरीका अनुसार विद्युत सर्ट भएर आगलागी हुँदा सारथी अस्पताल, भण्डारी सुज सेन्टरलगायतका पसलमा क्षति पुगेको छ।

स्थानीय दलबहादुर भण्डारीले सञ्चालन गरेको सुज सेन्टरमा एक्कासी विद्युत सर्ट भएर आगलागी भएको हुँदा धनगढी, गोदावरी र पुर्नवास नगरपालिकाका चार वटा दमकल , सहयोगमा आगो नियन्त्रणमा लिइएको बताए ।

आगो नियन्त्रणका लागि नेपाली सेना , नेपाल प्रहरी र सशस्त्र प्रहरी बलको टोलीसमेत परिचालन गरिएको थियो । आगलागीबाट सारथी अस्पताल र भण्डारी सुज सेन्टरसँग जोडिएका अन्य ८ वटा पसलमा समेत क्षति भएको छ । क्षतिको यकिन विवरण प्राप्त नभएको प्रहरीले जनाएको छ ।

भण्डारी पसलसंगै जोडिएका अन्य ७ पसलमा पनि आगलागी भएको छ। आगलागीबाट सारथी अस्पतालमा पनि क्षति भएको छ। आगलागीको थप विवरण अझै आइनसकेको प्रहरीले जानकारी दिएको छ।

प्रकाशित मिति: शनिबार, मंसिर २, २०८० १०:१६

प्रतिक्रिया दिनुहोस्