सल्यानका कांग्रेस सभापतिलाई कुटपिट गर्ने पूर्वाधारका हाकिम पक्राउ

सुरक्षा-अपराध

गृहपृष्ठ
सुरक्षा-अपराध
सल्यानका कांग्रेस सभापतिलाई कुटपिट गर्ने पूर्वाधारका हाकिम पक्राउ

सल्यानका कांग्रेस सभापतिलाई कुटपिट गर्ने पूर्वाधारका हाकिम पक्राउ

आइतबार, वैशाख २, २०८१ बागेश्वरी पोस्ट

सल्यान । सल्यान नेपाली कांग्रेस पार्टी सभापति केशरबहादुर बिष्टलाई कुटपिट गर्ने सल्यानका पूर्वाधार बिकास कार्यालयका प्रमुख हरिबहादुर वली पक्राउ परेका छन् । सभापतिको जाहेरी पश्चात वलीलाई पक्राउ गरिएको सल्यान प्रहरीले जानकारी दिएको छ ।

५६ वर्षीय कांग्रेस सभापति बिष्टलाई कुटपिट गरेको आरोपमा सल्यान प्रहरीले सिडिई वलीलाई आज बिहान पक्राउ गरेको हो । चैत २९ गते साँझ जिल्लाको सल्लीबजारको कृष्ण होटेलमा ३६ वर्षीय वलीले कुटपिट गरेको प्रहरीले जानकारी दिएको छ ।

सिडिई वलीको कुटाईबाट सभापति बिष्टको टाउकोमा चोट लाग्दा ५ वटा टाँका लगाइएको छ । होटेलमा बसेर कुराकानी गर्दै गरेको अवस्थामा वलीले सभापति बिष्टलाई बियरको बोटलले टाउकोमा हानेका थिए ।

पक्राउ परेका वलीविरुद्ध कुटपिट तथा अभद्र व्यवहारमा मुद्दा चलाउनका लागि म्याद थप गर्न प्रहरीले वलीलाई जिल्ला अदालत सल्यान पठाएको छ । घटनाको बारेमा प्रहरीले थप अनुसन्धान सुरु गरेको समेत जनाएको छ ।

प्रकाशित मिति: आइतबार, वैशाख २, २०८१ १४:५८

प्रतिक्रिया दिनुहोस्