योग समिति नेपाल छैटौं वर्षमा, नेपालगन्जमा 'विशेष' कार्यक्रम

समाचार

गृहपृष्ठ
समाचार
योग समिति नेपाल छैटौं वर्षमा, नेपालगन्जमा 'विशेष' कार्यक्रम

योग समिति नेपाल छैटौं वर्षमा, नेपालगन्जमा 'विशेष' कार्यक्रम

बिहीबार, जेठ १०, २०८१ बागेश्वरी पोस्ट

नेपालगञ्ज । नेपालगञ्जमा केन्द्रीय कार्यालय रहेको योग समिति नेपाल छैटौं वर्षमा प्रवेश गरेको छ । योग समिति नेपालले आज नेपालगञ्जमा एक औपचारिक कार्यक्रम गर्दै आफ्नो स्थापना दिवस मनाएको छ ।

औपचारिक कार्यक्रम अघि नेपालगञ्ज बजारको विभिन्न भागको परिक्रमा गर्दै निस्किएको प्रभातफेरी बीपी चोक पुगेर सभामा परिणत भएको थियो । नेपालगञ्ज उपमहानगरपालिकाको कार्यालय परिसरमा आयोजित सभालाई सम्बोधन गर्दै नेपालगञ्जका नगर प्रमुख प्रशान्त बिष्टले योग सबैका लागि जरुरी रहेकाले हरेक व्यक्तिले योग गर्नुपर्ने धारणा राखे ।

‘मानिसलाई स्वस्थ रहनका लागि योग अपरिहार्य छ,’ नगर प्रमुख बिष्टले भने-‘योग समिति नेपाल योग सम्बन्धि सन्देश फैलाउन निरन्तर सक्रिय छ, त्यसका लागि समितिलाई धन्यवाद ।’ उनले आफ्नो कार्यकाल अवधिमा नेपालगञ्जलाई योगमय बनाउने उद्घोष गरे ।योग समिति नेपाललाई अन्तर्राष्ट्रिय योग सम्मेलन गर्न अनुरोधसँगै नेपालगञ्जबासीलाई नियमित योग गर्न नगर प्रमुख बिष्टले अनुरोध गरे । योग समिति नेपालका अध्यक्ष गिरीराज भट्टराईको अध्यक्षतामा भएको कार्यक्रममा नेपालगञ्ज–२ का वडा अध्यक्ष मनोज श्रेष्ठ, नेपालगञ्ज उद्योग वाणिज्य संघका पूर्व अध्यक्ष तथा समितिका सल्लाहकार नन्दलाल बैश्य लगायतको उपस्थिति रहेको थियो ।

स्वागत गीत तथा नृत्यबाट शुरु भएको कार्यक्रममा विभिन्न बिधामा उत्कृष्ट कार्य गरेका सदस्य, शुभचिन्तक तथा सहयोगी मनहरुलाई सम्मान समेत प्रदान गरिएको समितिकी उपाध्यक्ष लोकमाया सुवेदीले जानकारी दिइन् । योग समिति नेपाल छोटो समयमा सर्वसाधारणलाई योग गर्नका लागि प्रेरित गर्न सफल भएको छ । समितिले गर्दै आएको नियमित योगाभ्यास तथा उपस्थितिले सर्वसाधारणको 'प्रेरक' समिति बनेको सर्वसाधारण बताउँछन् ।

प्रकाशित मिति: बिहीबार, जेठ १०, २०८१ २०:१५

प्रतिक्रिया दिनुहोस्