डुडुवामा आगलागी, ३२ घर जलेर नष्ट

समाचार

गृहपृष्ठ
समाचार
डुडुवामा आगलागी, ३२ घर जलेर नष्ट

डुडुवामा आगलागी, ३२ घर जलेर नष्ट

बिहीबार, असार ६, २०८१ गौरब गिरी

नेपालगन्ज । हावाहुरीले बाँकेको डुडुवा गाउँपालिका वडा नं. १ स्थित छिटईपुरवा पाझा गाउँमा भएको आगलागीबाट करिब ३२ बढी घर जलेर नष्ट भएको छ ।

बुधबार राती एक्कासी आएको भिषण हावाहुरीले आगो उडाएर घरको छानामा खस्दा सो गाउँका ३२ घर जलेर खरानी भएको जिल्ला प्रहरी कार्यालय बाँकेमा सूचना अधिकारी प्रहरी नायब उपरिक्षक नारायण डाँगीले बताए । उनका अनुसार राती ८ः३० बजे लागेको आगो स्थानीय जनपद प्रहरी, शसस्त्र प्रहरी र स्थानीयको सक्रियतामा राती २ बजे नियन्त्रणमा आएको थियो ।

आगलागी भए लगत्तै नेपालगन्जबाट गएको वारुणयन्त्र गाउँ नजिक पुगे पनि गाउँकै छेउँमा रहेको कुलो भत्किएकाले दमकल गाउँमा छिर्न नसक्दा ठूलो क्षति भएको नेपाल रेडक्रस सोसाइटी बाँकेका स्थानीय स्वंयसेवक राम मनोहर यादवले बताए । आगलागीबाट ३२ बढी परिवार घरबारविहिन भएपछि नजिकै रहेको सामुदायिक विद्यालय र आश्रयस्थलमा बसेको डुडुवा गाउँपालिकाले जनाएको छ ।

अहिले क्षतिको यकिन बिवरण सङ्कलन गर्ने कार्य भइरहेको छ भने आगलागीबाट धेरै ठूलो परिमाणमा खाद्यान्न, लुगालत्ता, भाँडाबर्तन, नगद र गरहना समेत जलेको प्रहरीले जनाएको छ । जिल्ला समन्वय समिति बाँकेका प्रमुख ज्ञानेन्द्र कुमार चौधरी, प्रमुख जिल्ला अधिकारी खगेन्द्रप्रसाद रिजाल, प्रहरी, गाउँपालिका लगायतको टिम आगलागी घटनास्थलतर्फ गएको छ । अग्नीपिडितहरुका लागि डुडुवा गाउँपालिकाले तत्काल तयारी राहत सामग्री समेत पठाएको गाउँपालिका अध्यक्ष नरेन्द्रकुमार चौधरीले बताए । रासस

प्रकाशित मिति: बिहीबार, असार ६, २०८१ १५:५३

प्रतिक्रिया दिनुहोस्