नेपाल प्रेस युनियन बाँके शाखाको वार्षिक साधारण सभा सम्पन्न

राजनीति

गृहपृष्ठ
राजनीति
नेपाल प्रेस युनियन बाँके शाखाको वार्षिक साधारण सभा सम्पन्न

नेपाल प्रेस युनियन बाँके शाखाको वार्षिक साधारण सभा सम्पन्न

शनिबार, भदौ १५, २०८१ बागेश्वरी पोस्ट

नेपालगञ्ज । नेपाल प्रेस युनियन बाँकेको वार्षिक साधारण सभा सम्पन्न भएको छ । युनियन बाँकेले पहिलोपटक वार्षिक साधारण सभा गरेको हो । युनियनको इतिहासमा यसअघि वार्षिकरुपमा साधारण सभा भएको थिएन । साधारणसभा युनियन बाँकेका अध्यक्ष प्रियास्मृति ढकालको अध्यक्षता एवम् नेपाली काँग्रेसका केन्द्रीय सदस्य तथा संविधान सभा सदस्य मैकुलाल बाल्मिकीको प्रमुख आतिथ्यतामा सम्पन्न भएको हो ।

साधारण सभाको उद्घाटन सत्रमा बोल्दै प्रमुख आतिथि बाल्मिकीले व्यवसायिक पत्रकारको क्षमता अभिबृद्धि गर्न युनियनले बिशेष भूमिका खेल्नुपर्ने उल्लेख गरे । कार्यक्रममा नेपाली काँग्रेस बाँकेका सभापति नारायण प्रसाद गौडेल, नेपाल प्रेस युनियनका केन्द्रीय बरिष्ठ उपाध्यक्ष प्रेम केसी, युनियन लुम्बिनी प्रदेशका महासचिव नवीन गिरी, नेपाल पत्रकार महासंघ लुम्बिनी प्रदेशका उपाध्यक्ष शुक्रऋषि चौलागाई, पत्रकार महासंघका पूर्व केन्द्रीय उपाध्यक्ष हेमन्त कर्माचार्य, पूर्व महासचिव एवं नेपाली काँग्रेस बाँके क्षेत्र नं १ का सभापति पोषण केसी, नेपाल ट्रेड युनियन काँग्रेस बाँकेका कार्यवाहक अध्यक्ष तोजिन्द्र विक, युनियनका अग्रेज नेता निरज गौतम, युनियन बाँकेका पूर्व अध्यक्ष जयनारायण शाहले शुभकामना मन्तब्य ब्यक्त गरेका थिए ।

युनियन बाँकेका उपाध्यक्ष कमल खत्रीले स्वागत मन्तब्य ब्यक्त गरेको उद्घाटन सत्रमा सचिव भिष्म लोधले युनियनको एक वर्षको सांगठनिक प्रतिवेदन तथा कोषाध्यक्ष खडक बहादुर खत्रीले आर्थिक प्रतिवेदन प्रस्तुत गरेका थिए । यस्तै उद्घाटन सत्रपछि भएको बन्दसत्रमा सांगठनिक पक्ष र आगामी कार्यदिशाबारे ब्यापक छलफल भएको छ । कार्यक्रममा नेपाल प्रेस युनियन लुम्बिनी प्रदेशका उपाध्यक्ष जय सिंह केसी, सचिवालय सदस्य गौरव गिरी, नेपाल प्रेस युनियन बाँकेका निवर्तमान अध्यक्ष अर्जुन ओली, नेपाली काँग्रेस लुम्बिनी प्रदेश प्रचार विभाग सदस्य रबिन्द्र घिमिरे, नेपाल पत्रकार महासंघ बाँकेका उपाध्यक्ष एवं ठकुरी पत्रकार संघ बाँके अध्यक्ष करुणा शाह, युनियनका अग्रज रुपन ज्ञवाली, अवधि पत्रकार संघ बाँकेका अध्यक्ष प्रहलाद बिश्वकर्मा, चलचित्र पत्रकार संघ बाँकेका अध्यक्ष रामचन्द्र पौडेल लगायतको उपस्थिति रहेको थियो ।

प्रकाशित मिति: शनिबार, भदौ १५, २०८१ २०:५६

प्रतिक्रिया दिनुहोस्