नेपालगञ्जका विद्यालयमा तीन दिन जाडो विदा

शिक्षा

गृहपृष्ठ
शिक्षा
नेपालगञ्जका विद्यालयमा तीन दिन जाडो विदा

नेपालगञ्जका विद्यालयमा तीन दिन जाडो विदा

मंगलबार, माघ ८, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले विद्यालयहरुमा जाडो विदा दिएको छ । चिसो अत्याधिक बढेपछि भोलिदेखि तीन दिन नगरभित्रका सम्पूर्ण विद्यालयमा पठनपाठन बन्द गर्ने निर्णय गरिएको शिक्षा, युवा तथा खेलकुद महाशाखा प्रमुख गोर्ख बहादुर थापाले बताए ।

चिसोसंगै शीतलहर पनि चलेकाले पठनपाठनमा समस्या देखिनुका साथै बालबालिकाको स्वास्थ्यमा प्रतिकूल असर पर्ने देखेर नगर प्रमुखको आदेश अनुसार माघ ९ गतेदेखि ११ गतेसम्म तीन दिन नगरका सम्पूर्ण विद्यालयमा बिदा दिइएको थापाले बताए । केही दिन यता बाँकेमा निरन्तर शीतलहर चलेर जनजीवन निकै प्रभावित भएको छ । चिसोले नागरिकको दैनिकी कष्टकर बनेको छ ।

प्रकाशित मिति: मंगलबार, माघ ८, २०८१ २१:२९

प्रतिक्रिया दिनुहोस्