कोहलपुरबाट ब्राउन सुगरसहित ५ जना पक्राउ, पक्राउ पर्ने मध्येमा दुई जना युवती

सुरक्षा-अपराध

गृहपृष्ठ
सुरक्षा-अपराध
कोहलपुरबाट ब्राउन सुगरसहित ५ जना पक्राउ, पक्राउ पर्ने मध्येमा दुई जना युवती

कोहलपुरबाट ब्राउन सुगरसहित ५ जना पक्राउ, पक्राउ पर्ने मध्येमा दुई जना युवती

सोमबार, माघ २१, २०८१ बागेश्वरी पोस्ट

बाँके । बाँकेको कोहलपुर नगरपालिकाका दुई स्थानबाट प्रहरीले लागुऔषध ब्राउन सुगरसहित पाँच जनालाई पक्राउ गरेको छ ।

इलाका प्रहरी कार्यालय कोहलपुरको टोलीले कोहलपुर-२ बाट ३ सय ८० मिलिग्राम ब्राउनसुगर सहित कोहलपुर र बर्दियाका दुई युवकलाई पक्राउ गरेको जिल्ला प्रहरी कार्यालय बाँकेले जानकारी दिएको छ ।

बाँके प्रहरीका अनुसार पक्राउ पर्नेहरूमा कोहलपुर नगरपालिका-२ बर्दहवाका २२ वर्षीय राकेश चौधरी र बर्दियाको मधुबन नगरपालिका-४ का २३ वर्षीया जीया चौधरी रहेका छन् । उनीहरुलाई आइतबार राति पक्राउ गरिएको थियो ।

त्यसैगरी बाँकेकै कोहलपुर नगरपालिका-२ मनकामना चोकबाट पनि १ ग्राम २१० मिलिग्राम ब्राउनसुगर र नगद १८ हजार ३ सय २५ रूपैयाँ सहित पाँच जनालाई पक्राउ गरेको छ ।

आइतबार साँझ इलाका प्रहरी कार्यालयबाट र कौशिलानगरबाट खटिएको टोलीले कोहलपुर-१ सालको बुटाका १९ वर्षीया संगिता चौधरी, कोहलपुर-२ का २४ वर्षीय श्रीकृष्ण थारू र कोहलपुर-११ लोकनगर बस्ने २८ वर्षीय किरन थारुलाई उक्त परिमाणको ब्राउन सुगरसहित पक्राउ गरिएको जिल्ला प्रहरी बाँकेले जनाएको छ ।

प्रहरीको टोलीले संगीताको घरमा छापा मारेर ब्राउन सुगर फेला पारेको थियो भने त्यहाँ रहेका तीनै जनालाई उक्त पदार्थसँग पक्राउ गरेको जिल्ला प्रहरी कार्यालय बाँकेले जानकारी दिएको छ ।

दुबै स्थानबाट ब्राउन सुगर पक्राउ परेका पाँच जनालाई इलाका प्रहरी कार्यालय कोहलपुरले लागुऔषध कसुरमा थप अनुसन्धान गरिरहेको जिल्ला प्रहरी बाँकेले जानकारी दिएको छ ।

प्रकाशित मिति: सोमबार, माघ २१, २०८१ १७:०५