डुडुवामा अवैधरुपमा नदीजन्य पदार्थ ओसारपसार गर्ने तीन टिपर नियन्त्रणमा

सुरक्षा-अपराध

गृहपृष्ठ
सुरक्षा-अपराध
डुडुवामा अवैधरुपमा नदीजन्य पदार्थ ओसारपसार गर्ने तीन टिपर नियन्त्रणमा

डुडुवामा अवैधरुपमा नदीजन्य पदार्थ ओसारपसार गर्ने तीन टिपर नियन्त्रणमा

बिहीबार, फागुन २२, २०८१ बागेश्वरी पोस्ट

नेपालगन्ज । बाँके डुडुवामा रातको समयमा अवैधरुपमा नदीजन्य पदार्थ ओसारपसार गर्दै गरेका तीन वटा टिपरलाई नियन्त्रणमा लिइएको छ ।

डुडुवा गाउँपालिका-४ स्थित राप्ती पुल भएर नदीजन्य पदार्थ बोकेर आउँदै गरेका तीन वटा टिपरलाई सशस्त्र प्रहरीको खडैंचा बिओपी र डुडुवा गाउँपालिकाको नगर प्रहरीको संयुक्त टोलीले नियन्त्रणमा लिएको सशस्त्र प्रहरी बाँकेले जानकारी दिएको छ ।

सशस्त्र प्रहरीका अनुसार गएराति साढे ९ बजे राप्तीसोनारीबाट अवैधरुपले चोरी पैठारी गरेर ल्याउँदै गरेका ती टिपरहरुलाई जाँच गर्ने क्रममा कुनै पनि बिल नभएको पाइएपछि नियन्त्रणमा लिइएको थियो ।

चेकजाँचमा खटिएको संयुक्त टोलीले भे १ ख १७७५,२२६३ र २२८९ नम्बरका टिपरलाई नियन्त्रणमा लिएर नेपाल प्रहरीको जिम्मा लगाएको सशस्त्र प्रहरीले जानकारी दिएको छ । नियन्त्रणमा लिइएका सबै टिपरलाई आबश्यक कारबाहीका लागि राजस्व अनुसन्धान कार्यालय बुझाइएको इलाका प्रहरी कार्यालय कम्दीले जानकारी दिएको छ ।

बाँकेमा हाल नदीजन्य पदार्थ उत्खननको ठेक्का प्रक्रिया सुरु भए पनि कुनै पनि सवारीसाधनले रातमा ढुवानी गर्न नपाइने प्रावधान रहेको छ । यस्तो अवस्थामा रातमा बिलसहित नदीजन्य पदार्थ लिएर आएको सवारीसाधनलाई सुरक्षाकर्मी वा सम्बन्धित निकायले रोक्न सक्ने बताइएको छ ।

प्रकाशित मिति: बिहीबार, फागुन २२, २०८१ ११:४३

प्रतिक्रिया दिनुहोस्