३० किलो बढी चरेससहित ३ जना प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
३० किलो बढी चरेससहित ३ जना प्रहरीको नियन्त्रणमा

३० किलो बढी चरेससहित ३ जना प्रहरीको नियन्त्रणमा

सोमबार, फागुन २६, २०८१ बागेश्वरी पोस्ट

नेपालगन्ज । दाङको घोराहीबाट प्रहरीले ठूलो परिमाणमा लागुऔषध चरेससहित तीन जनालाई पक्राउ गरेको छ । बाँकेबाट गएको लागुऔषध ब्यूरो नेपालगन्ज शाखा कार्यालयको टोलीले ३० किलो १५४ ग्राम चरेससहित तीन जनालाई पक्राउ गरेको हो ।

पक्राउ पर्नेमा रुकुम पूर्वस्थित भूमे गाउँपालिकाका ६४ वर्षीय जुन बहादुर पुन, सोही गाउँपालिकाकै ४४ वर्षीय फर्ण बहादुर घर्ती र ५३ वर्षीय रुप धन धर्ती रहेका छन् । विशेष सूचना पाएर गएको लागुऔषधको टोलीले उनीहरुलाई घोराही उपमहानगरपालिका-१२ बाह्रकुने दह नजिकबाट आज दिउँसो साढे ४ बजे पक्राउ गरेको हो ।

विक्री गर्नका लागि प्लास्टिकका पोकामा राखेर लैजाँदै गरेको अवस्थामा लागुऔषध नेपालगन्जको टोलीले पक्राउ गरेर जिल्ला प्रहरी कार्यालय दाङलाई बुझाएको हो । पक्राउ परेका तीनै जनालाई हिरासतमा लिएर दाङ प्रहरीले थप अनुसन्धान सुरु गरेको जनाएको छ ।

प्रकाशित मिति: सोमबार, फागुन २६, २०८१ १७:३२