नेपालगञ्जमा अवैध हतियारसहित आतंकित बनाउने चार जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगञ्जमा अवैध हतियारसहित आतंकित बनाउने चार जना पक्राउ

नेपालगञ्जमा अवैध हतियारसहित आतंकित बनाउने चार जना पक्राउ

आइतबार, वैशाख १४, २०८२ बागेश्वरी पोस्ट

नेपालगञ्ज । बाँके प्रहरीले अवैध हतियारसहित आतंकित बनाउने चार जनालाई पक्राउ गरेको छ । पेस्तोल पड्काउनुका साथै हुल हुज्जत गर्दै आतंकित बनाएको आरोपमा प्रहरीले नेपालगञ्ज उपमहानगरपालिका वडा नम्बर १ का ४० बर्षीय विजय पोख्रेल, वडा नम्बर १८ का ३० बर्षीय विशाल आउजी तथा वडा नम्बर ४ का २१ बर्षीय अस्मित मल्ल र २० बर्षीय सौगात श्रेष्ठलाई पक्राउ गरेको हो ।

प्रहरीका अनुसार यही बैशाख १२ गते राती उनीहरु नमस्ते दोहोरीबाट बाहिर निस्किएर साथमा रहेको पेस्तोलबाट गोली पड्काई बा ४ च ३०७१ नम्बरको कार प्रयोग गरी नेपालगञ्ज १८ स्थित विशालनगर चोकमा भइरहेको नाइट क्रिकेट प्रतियोगिता स्थल पुगेका थिए । त्यहाँ पुगेपछि उनीहरुले हुलहुज्जत गर्दै खुकुरी देखाएर खेल भइरहेको स्थानमा उपस्थित मानिसहरुलाई आतंकित बनाउनुका साथै पेस्तोलबाट गाली पड्काई भागेका थिए ।

उनीहरुलाई पिछा गर्दै जाँदा प्रहरीले कोहलपुर १० स्थित हाइस्कुलबाट नियन्त्रणमा लिई अनुसन्धान एवम् कारबाही प्रक्रिया अघि बढाएको जिल्ल प्रहरी कार्यालय बाँकेका प्रबक्ता प्रहरी नायब उपरीक्षक दिपक पातलीले जानकारी दिए ।

May be an image of 4 people and text