बाँके प्रहरीको एक बर्षः ६१५ फरार प्रतिवादी पक्राउ, ५ करोड ९१ लाखको अवैध सामग्री बरामद

सुरक्षा-अपराध

गृहपृष्ठ
सुरक्षा-अपराध
बाँके प्रहरीको एक बर्षः ६१५ फरार प्रतिवादी पक्राउ, ५ करोड ९१ लाखको अवैध सामग्री बरामद

बाँके प्रहरीको एक बर्षः ६१५ फरार प्रतिवादी पक्राउ, ५ करोड ९१ लाखको अवैध सामग्री बरामद

मंगलबार, वैशाख १६, २०८२ बागेश्वरी पोस्ट

नेपालगञ्ज । जिल्ला प्रहरी कार्यालय बाँकेले एक वर्षको प्रगति विवरण सार्वजनिक गरेको छ । २०८१ बैशाख १ गतेदेखि चैत मसान्तसम्मको अवधिमा फरार प्रतिवादी नियन्त्रणदेखि लागूऔषध बरामद अभियान तथा कारोबारी पक्राउ लगायत जिल्लाको शान्ति सुरक्षामा तदारुकताका साथ लागेर अपराध नियन्त्रण तथा अवैध सामग्री बरामदका कार्य गर्दै आएको जिल्ला प्रहरी कार्यालय बाँकेले जनाएको छ । यो अवधिमा बाँके प्रहरीले करोडौं रुपैयाँको अवैध सामग्री बरामद गरेको छ ।

प्रहरी उपरीक्षक तुल बहादुर कार्कीको कमाण्डमा रहेको बाँके प्रहरीले उक्त अवधिमा ६ सय १५ फरार प्रतिवादीलाई पक्राउ गर्दै ५ करोड ९१ लाख ५४ हजार ५३१ रुपैयाँ बराबरको अवैध सामग्री बरामद गर्न सफल भएको जनाएको छ । यस्तै ट्राफिक कारवाहीतर्फ ३३ हजार ८५६ वटा सवारी साधनलाई कारवाही गरी रु. २ करोड ९२ लाख ८२ हजार राजश्व संकलन गरिएको जानकारी दिइएको छ ।

अपराध अनुसन्धानतर्फको कारवाहीमा १६ सय ३२ वटा मुद्दा दर्ता भएकोमा १४ सय ७८ जनालाई पक्राउ गरी कानूनी दायरामा ल्याइएको जिल्ला प्रहरी कार्यालय बाँकेले जनाएको छ । यस्तै ५ सय ५४ वटा पेण्डिङ मुद्दाहरु फछ्र्यौट गरिएको छ । ६ सय १५ जना फरार अपराधी पक्राउ गर्दा २ करोड १४ लाख ४७ हजार ६७५ रुपैयाँ जरिवाना असूल उपर भएको छ । प्रहरी उपरीक्षक कार्कीको सरुवा भइसकेको छ । उनको ठाउँमा एसपी राम प्रसाद घर्ती मगर आउँदैछन् । घर्ती जिल्ला प्रहरीमा डिएसपी हुँदा पनि बसेका थिए ।

प्रकाशित मिति: मंगलबार, वैशाख १६, २०८२ २१:०३

प्रतिक्रिया दिनुहोस्