सवारी दुर्घटनामा बाँकेमा दुई महिनामा ११ जनाको मृत्यु

सुरक्षा-अपराध

गृहपृष्ठ
सुरक्षा-अपराध
सवारी दुर्घटनामा बाँकेमा दुई महिनामा ११ जनाको मृत्यु

सवारी दुर्घटनामा बाँकेमा दुई महिनामा ११ जनाको मृत्यु

आइतबार, वैशाख २१, २०८२ बागेश्वरी पोस्ट

नेपालगञ्ज । बाँकेमा दुई महिनाको अवधिमा भएको सवारी दुर्घटनामा ११ जनाको मृत्यु भएको जिल्ला ट्राफिक प्रहरी कार्यालय बाँकेले जानकारी दिएको छ ।

बाँके ट्राफिक प्रहरी कार्यालयका अनुसार गत फागुन र चैत महिनामा भएका १ सय ४४ वटा सवारी दुर्घटनामा ११ जनाको मृत्यु हुँदा ३० जना गम्भीर घाइते भएका थिए । उक्त २ महिनाको दुर्घटना अन्तर्गत फागुनमा ४ जनाको मृत्यु हुँदा १२ जना गम्भीर घाइते र ९२ जना सामान्य घाइते भएको बाँके ट्राफिक प्रहरीका निमित्त प्रमुख प्रहरी वरिष्ठ नायब निरीक्षक प्रवीण आचार्यले जानकारी दिए ।

त्यसैगरी चैतमा भएको दुर्घटना ७ जनाको मृत्यु भएको हो । त्यस दौरान चैतमा १८ जना गम्भीर घाइते हुँदा १ सय २ जना सामान्य घाइते भएको आचार्यले बताउनुभयो । गत २ महिनाको अवधिमा जिल्ला ट्राफिक प्रहरी कार्यालयले जिल्लाभरमा गरेको ट्राफिक कारबाहीमा ४७ लाख २२ हजार रुपैयाँ राजस्व संकलन गरिएको निमित्त प्रमुख आचार्यले जानकारी दिए ।

ट्राफिक कारबाहीतर्फ फागुनमा मात्रै ३७ सय २६ सवारीसाधनलाई गरिएको कारबाहीमा २९ लाख ५८ हजार रुपैयाँ र चैतमा २२ सय ८८ सवारीसाधनको कारबाहीबाट १७ लाख ६४ हजार रुपैयाँ राजस्व संकलन गरिएको जिल्ला ट्राफिक प्रहरी कार्यालय बाँकेले जानकारी दिएको छ ।

त्यसैगरी बाँके ट्राफिक प्रहरी कार्यालय र मातहतका इकाईले दिनहुँ सवारीसाधन दुर्घटना न्यूनीरणका लागि सचेतना कार्यक्रम गर्दै आउँदा पहिलेको तुलनामा दुर्घटनामा कमी आएको देखिएको छ ।

प्रकाशित मिति: आइतबार, वैशाख २१, २०८२ १३:४७

प्रतिक्रिया दिनुहोस्