साढे ३१ लाख रुपैयाँ जरिवाना र कैद सजाय पाएकी फरार महिला प्रतिवादी पक्राउ

सुरक्षा-अपराध

गृहपृष्ठ
सुरक्षा-अपराध
साढे ३१ लाख रुपैयाँ जरिवाना र कैद सजाय पाएकी फरार महिला प्रतिवादी पक्राउ

साढे ३१ लाख रुपैयाँ जरिवाना र कैद सजाय पाएकी फरार महिला प्रतिवादी पक्राउ

सोमबार, जेठ १२, २०८२ बागेश्वरी पोस्ट

नेपालगञ्ज । साढे ३१ लाख रुपैयाँ जरिवाना र कैद सजाय पाएकी बैंकिङ कसुरकी एक फरार महिला प्रतिवादीलाई प्रहरीले नेपालगञ्जबाट पक्राउ गरेको छ ।

पक्राउ पर्नेमा नेपालगञ्ज उपमहानगरपालिका-१ वाटरपार्ककी ४२ वर्षीया शान्ति तामाङ रहेको जिल्ला प्रहरी कार्यालय बाँकेले जानकारी दिएको छ ।

बाँके जिल्ला अदालतले २०८१ पुस १७ गते फैसला गर्दै शान्तिलाई बैंकिङ कसुर मुद्दामा साढे ३१ लाख रुपैयाँ जरिवाना र १५ दिन कैद सजाय सुनाएको जिल्ला प्रहरी कार्यालयले जानकारी दिएको छ ।

फैसला पश्चात् फरार रहँदै आएकी शान्तिलाई आज साँझ साढे ७ बजे घरमा आएको अवस्थामा जिल्ला प्रहरी कार्यालय बाँकेबाट खटिएको टोलीले पक्राउ गरेको हो ।

पक्राउ परेकी शान्तिलाई भोलि नै आबश्यक कारबाहीका लागि बाँके जिल्ला अदालत पेश गरिने जिल्ला प्रहरी कार्यालय बाँकेले जनाएको छ ।

प्रकाशित मिति: सोमबार, जेठ १२, २०८२ २१:१०

प्रतिक्रिया दिनुहोस्