बुटवलमा आमा र दुई छोरीको बीभत्स हत्या

सुरक्षा-अपराध

गृहपृष्ठ
सुरक्षा-अपराध
बुटवलमा आमा र दुई छोरीको बीभत्स हत्या

बुटवलमा आमा र दुई छोरीको बीभत्स हत्या

बुधबार, जेठ १४, २०८२ बागेश्वरी पोस्ट

बुटवल । रुपन्देहीको बुटवलमा आमा र दुई छोरीको बीभत्स हत्या भएको छ । बुटवल उपमहानगरपालिका-११ होराइजन चोक नजिक २७ वर्षीया महिला दीपा बस्याल र उनका दुई छोरीको हत्या भएको जिल्ला प्रहरी कार्यालय रुपन्देहीले जानकारी दिएको छ ।

प्रहरीका अनुसार घटनास्थलको प्रकृति हेर्दा २७ वर्षीया आमा र ४ र ७ वर्षका ती बालिकाको घाँटी अठ्याएर हत्या गरिएको देखिएको छ ।

प्रहरीले घटनामा संलग्न रहेका दीपाका पूर्व पति ३२ वर्षीय सुजन कोइरालालाई नियन्त्रणमा लिएको जानकारी दिएको छ ।

प्रहरीका अनुसार सम्बन्ध विच्छेदपछि अर्कैसँग विवाह गरेर गएकी दीपालाई उनका पूर्व श्रीमान कोइरालाले आफ्नै घरमा बोलाएर आज बिहान ४ बजेतिर हत्या गरेको रुपन्देही प्रहरी प्रवक्ता डीएसपी सुरज कार्कीले जानकारी दिएका छन् ।

रुपन्देही प्रहरीका अनुसार हत्या गर्ने अभियुक्त सुजनले आफ्नै दाजुको हत्या गरेर जेल बसी केही वर्ष अघि संविधान दिवसको दिन आम माफी पाएर छुटेका थिए । प्रहरीले नियन्त्रणमा लिइएका सुजनसँग थप अनुसन्धान सुरु गरेको जनाएको छ ।

प्रकाशित मिति: बुधबार, जेठ १४, २०८२ १०:१७

प्रतिक्रिया दिनुहोस्