नेपालगन्जबाट ३६ ग्राम बढी खैरो हेरोइनसहित ३ युवक प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
नेपालगन्जबाट ३६ ग्राम बढी खैरो हेरोइनसहित ३ युवक प्रहरीको नियन्त्रणमा

नेपालगन्जबाट ३६ ग्राम बढी खैरो हेरोइनसहित ३ युवक प्रहरीको नियन्त्रणमा

बुधबार, जेठ १४, २०८२ बागेश्वरी पोस्ट

नेपालगन्ज । नेपालगन्जबाट ठूलो परिमाणमा खैरो हेरोइनसहित प्रहरीले तीन जनालाई पक्राउ गरेको छ ।नेपालगन्जको वडा नम्बर ८ का २५ वर्षीय सरीफ कवाडियालाई २७ ग्राम ४३० मिलिग्राम खैरो हेरोइनसहित प्रहरीले पक्राउ गरेको हो ।

खैरो हेरोइनको कारोबार भइरहेको विशेष सूचना पाएर मंगलबार साँझ गएको नेपालगन्ज लागुऔषध नियन्त्रण ब्यूरो शाखा कार्यालय नेपालगन्ज र सुर्खेत लागुऔषधको टोलीले कवाडियाको घर खानतलासी गर्ने क्रममा उक्त २७ ग्राम ४३० मिलिग्राम खैरो हेरोइन फेला पारेको जिल्ला प्रहरी कार्यालय बाँकेले जानकारी दिएको छ ।उनको साथबाट डिजिटल तराजु समेत बरामद गरिएको हो ।

त्यसैगरी लागुऔषध नियन्त्रण ब्यूरो शाखा कार्यालय नेपालगन्ज र इलाका प्रहरी कार्यालय जमुनाहाबाट खटिएको टोलीले नेपालगन्ज-२१ का २० वर्षीय समीर खान र सोही स्थानका २१ वर्षीय कस्मिन सिंह ठकुरीलाई ९ ग्राम १९० मिलिग्राम खैरो हेरोइनसहित पक्राउ गरेको जिल्ला प्रहरी कार्यालय बाँकेले जानकारी दिएको छ ।

मंगलबार दिउँसो भारतको रुपैडिहाबाट नेपालतर्फ आउँदै गरेका उनीहरुलाई चेकजाँच गर्ने क्रममा नेपालगन्ज-१५ जमुनाहा नाकाबाट उक्त परिमाणको खैरो हेरोइनसहित पक्राउ गरिएको हो ।

लागुऔषध नियन्त्रण ब्यूरोले उनीहरु सवार भे १० प ४९३६ नम्बरको स्कुटर समेत नियन्त्रणमा लिएर बरामद गरिएको खैरो हेरोइन र पक्राउ परेका दुबै जनालाई जिल्ला प्रहरी बाँकेको हिरासतमा राखिएको जिल्ला प्रहरी कार्यालय बाँकेले जनाएको छ ।

खैरो हेरोइनसहित पक्राउ परेका तीनै जनामाथि थप अनुसन्धान सुरु गरिएको बताइएको छ ।

प्रकाशित मिति: बुधबार, जेठ १४, २०८२ १०:२१

प्रतिक्रिया दिनुहोस्