भारतबाट कारमा ल्याउँदै गरिएको ५ लाख भारुसहित दुई जना जयसपुरबाट पक्राउ

सुरक्षा-अपराध

गृहपृष्ठ
सुरक्षा-अपराध
भारतबाट कारमा ल्याउँदै गरिएको ५ लाख भारुसहित दुई जना जयसपुरबाट पक्राउ

भारतबाट कारमा ल्याउँदै गरिएको ५ लाख भारुसहित दुई जना जयसपुरबाट पक्राउ

शुक्रबार, जेठ १६, २०८२ बागेश्वरी पोस्ट

नेपालगन्ज । नेपालगन्ज सीमा नजिकबाट बाँके प्रहरीले अवैध भारतीय ५ लाख रुपैयाँसहित दुई जनालाई पक्राउ गरेको छ ।

भारतको रुपइडिहाबाट नेपाल आउँदै गरेको अवस्थामा ५ लाख रुपैयाँ भारुसहित भारतको लखनउका ४० वर्षीय निरज चौरसीय र दाङको पुरन्धाराकी २६ वर्षीया साइना नेपालीलाई पक्राउ गरेको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी कार्यालय बाँकेका प्रवक्ता डीएसपी दिपक पातलीका अनुसार जेठ १४ गते युपी ३२ एलबी ६३८९ नम्बरको सुजुकी कारमा रुपइडिहाबाट आउँदै गरेको अवस्थामा नेपालगन्ज-१६ जयसपुरबाट ५ सय दरका ६ सय थान नोट र १ हजार थान २ सय रुपैयाँका नोट बरामद गरेको हो ।

बरामद गरिएको भारतीय ५ लाख रुपैयाँ र नियन्त्रणमा लिइएको कारसहित निरज र साइनालाई आबश्यक कारबाही तथा अनुसन्धानका लागि राजस्व अनुसन्धान कार्यालय कोहलपुर पठाइएको डीएसपी पातलीले बताए ।