कोहलपुरमा नक्कली नोट र १९ केजी बढी अफिमसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
कोहलपुरमा नक्कली नोट र १९ केजी बढी अफिमसहित दुई जना पक्राउ

कोहलपुरमा नक्कली नोट र १९ केजी बढी अफिमसहित दुई जना पक्राउ

मंगलबार, असार ३१, २०८२ बागेश्वरी पोस्ट

नेपालगन्ज । बाँकेको कोहलपुरबाट लागुऔषध नियन्त्रण ब्यूरोको टोलीले बाँकेको कोहलपुरबाट लागुऔषध नियन्त्रण ब्यूरोको टोलीले नक्कली नोट, नक्कली नोट छाप्ने मेसिन र १९ किलो बढी अफिमसहित दुई जनालाई पक्राउ गरेको छ ।

लागुऔषध नियन्त्रण ब्यूरो नेपालगन्ज र जिल्ला प्रहरी कार्यालय सुर्खेतको संयुक्त अपरेसनमा खटिएको टोलीले कोहलपुर नगरपालिका-११ न्यू रोडबाट आज बिहान साढे ९ बजे जनगर्जन नेटवर्क प्रालिका ३४ वर्षीय सन्चालक मान बहादुर सहकारीलाई १९ किलो ३२५ ग्राम अफिमसहित पक्राउ गरेको हो ।

लागुऔषधको ठूलो मात्रामा कारोबार भइरहेको विशेष सूचनाका आधारमा सुर्खेत प्रहरीका डीएसपी मोहन जङ्ग बुड थापाको नेतृत्वको नेपालगन्ज लागुऔषध नियन्त्रण ब्यूरोको टोलीले कालिकोटस्थित नरहरिनाथ-४ घर भएर हाल कोहलपुर ११ बस्दै आएका मान बहादुरलाई उनकै कोठाबाट उक्त परिमाणको अफिमसहित नियन्त्रणमा लिइएको जिल्ला प्रहरी कार्यालय बाँकेले जानकारी दिएको छ ।

बाँके प्रहरीका अनुसार मान बहादुरको कोठाबाट अफिमसहित ५१ हजार नेपाली नक्कली नोट, नक्कली नोट छाप्ने मेसिन, एउटा मोटरसाइकल र एक थान मोबाइल बरामद गरिएको छ । उनीसंगै रुकुम पश्चिमको बाफिकोट गाउँपालिका-१० की सपना पुन पनि पक्राउ परेकी छिन् ।

केही दिन अघि जिल्ला प्रहरी कार्यालय सुर्खेतले एक व्यक्तिलाई नक्कली नोटसहित पक्राउ गर्दा प्रहरीसँगको बयानमा पक्राउ परेका व्यक्तिले कोहलपुरमा साथी रहेको जानकारी दिए पश्चात् डीएसपी थापाको टोली कोहलपुर आएर खानतलासी गर्दा उक्त अफिमसहितका नक्कली नोट लगायतका सामग्री बरामद गरेको बाँके प्रहरीले जानकारी दिएको छ । मान बहादुरले जनगर्जन नामक मिडिया चलाएर आफूलाई पत्रकारका रुपमा चिनाउँदै आएका थिए ।

प्रकाशित मिति: मंगलबार, असार ३१, २०८२ १५:५६

प्रतिक्रिया दिनुहोस्