भारतबाट चोरी गरी आएका ६ जना कोहलपुरबाट पक्राउ

सुरक्षा-अपराध

गृहपृष्ठ
सुरक्षा-अपराध
भारतबाट चोरी गरी आएका ६ जना कोहलपुरबाट पक्राउ

भारतबाट चोरी गरी आएका ६ जना कोहलपुरबाट पक्राउ

मंगलबार, असार ३१, २०८२ बागेश्वरी पोस्ट

नेपालगन्ज । भारतबाट धनमाल लुटपाट गरी आएका ६ जना कोहलपुरबाट पक्राउ परेका छन् । प्रहरीले कालिकोट रासकोट नगरपालिका वडा नं. १ बस्ने ४२ वर्षीय मन बहादुर शाही, सोही ठाउँका ४२ वर्षकै तेज बहादुर शाही, सान्नी त्रिबेणी गाउँपालिका वडा नं. ८ बस्ने १८ वर्षीय पंकज के.सी, ४५ वर्षीय प्रेम बहादुर खत्री, ३८ वर्षीया अनिता खत्री र नरहरिनाथ गाउँपालिका वडा नं. ९ बस्ने २८ वर्षीया सरिता शाहीलाई पक्राउ गरेको हो । उनीहरुलाई कोहलपुर नगरपालिका वडा नं. ११ स्थित होटल न्यु कालिकोटेमा कोठा भाडा लिई बसेको अवस्थामा पक्राउ गरिएको कोहलपुरका डिएसपी लक्ष्मी खनालले जानकारी दिइन् ।

‘भारतबाट सुनका गहना र नगद चोरी गरी कोहलपुरमा लुकेर बसेको भन्ने बिशेष सूचना प्रहरीलाई आएको थियो,' उनले भनिन्–‘अनुसन्धान गर्दै जाँदा ठूलो परिमाणको रकमसहित उनीहरु पक्राउ परेका हुन् ।’ इलाका प्रहरी कार्यालय कोहलपुरबाट प्रहरी निरीक्षक रेशमलाल पौडेलको कमाण्डमा खटिएको ७ जनाको प्रहरी टोलीले सोमवार अपरान्ह उनीहरुलाई पक्राउ गरेको थियो । होटलको कोठा नम्वर ८ मा बसेका उनीहरुबाट १५ तोला २५ (लाल पत्थरसहित) तौल भएका सुनका गर–गहनाहरु, नेपाली रू. ७ लाख ८७ हजार रकम समेत बरामद गरिएको डिएसपी खनालले बताइन् । उनीहरु रोजगारीको बाहनामा भारत जाने र त्यहाँ चोरी धन्दा गर्दै नेपाल आउने गरेको प्रारम्भिक अनुसन्धानबाट खुलेको प्रहरीले जनाएको छ । उनीहरुलाई जिल्ला अदालतबाट ७ दिनको म्याद थपेर अनुसन्धान सुरु गरिएको उनको भनाई छ ।

प्रकाशित मिति: मंगलबार, असार ३१, २०८२ २०:०४

प्रतिक्रिया दिनुहोस्