तत्काल सदस्यता नवीकरण गर्न पत्रकार महासंघ बाँकेको ताकेता

समाचार

गृहपृष्ठ
समाचार
तत्काल सदस्यता नवीकरण गर्न पत्रकार महासंघ बाँकेको ताकेता

तत्काल सदस्यता नवीकरण गर्न पत्रकार महासंघ बाँकेको ताकेता

मंगलबार, असार ३१, २०८२ गौरब गिरी

नेपालगन्ज । नेपाल पत्रकार महासंघ बाँके शाखाले तत्काल सदस्यता नवीकरण गर्न आफ्ना सदस्यहरुलाई ताकेता गरेको छ । शाखा अध्यक्ष नवीन गिरीको अध्यक्षतामा सोमबार बसेको वैठकले बाँके शाखामा आवद्ध सम्पूर्ण साधारण सदस्यहरूलाई वि.सं. २०८१ र २०८२ को सदस्यता नवीकरणका लागि यसअघि समय सिमासहित आग्रह गरिएकोमा उक्त समयावधि ग्रुजिसकेकोले अब तत्काल (अबिलम्ब) सदस्यता नवीकरण गर्न ताकेता गर्ने निर्णय गरेको हो ।

जिल्ला सचिव कृष्ण ओलीका अनुसार जिल्लाका विभिन्न स्थानमा पत्रकारिता र पत्रकारका नामममा पत्रकारिताको निष्ठा, मर्यादा, आचरण र आचारसंहिता विपरीतका केही क्रियाकलाप भइरहेको भन्ने उजुरी र गुनासो आइरहेकोप्रति सम्बन्धित सबैको ध्यानाकर्षण गराउँदै स्वच्छ र जिम्मेवार पत्रकारिताका लागि सजग गराउने निर्णय गरिएको छ ।

यसैगरी नेपाल पत्रकार महासंघ बाँकेका शाखा उपाध्यक्ष (महिला) करुणा शाहको संयोजकत्वमा कार्यसमिति सदस्यहरू धना विष्ट केसी, सावित्रा विश्वकर्मा, रजनी कुमारी योगी, आशा परियार र निर्मला चौधरी सदस्य रहने गरी महिला विभाग गठन गर्ने निर्णय पनि गरिएको छ ।

यस्तै बाँकेका हरेक पालिकाहरूमा आमसञ्चार नीति बनाउन सहजीकरण गर्ने शाखाको अभियानमा तत्परता र तदारुकता देखाई आगामी आर्थिक वर्षभित्र प्रक्रिया अगाडि बढाउने गरी वार्षिक नीति तथा कार्यक्रममार्फत प्रतिबद्धता जनाएकोमा सबैप्रति आभार प्रकट गर्दै नेपाल पत्रकार महासंघ बाँके शाखाको अगुवाई र नेतृत्वमा यसै आर्थिक वर्षभित्र आमसञ्चार नीति बनाएकोमा कोहलपुर नगरपालिकालाई विशेष धन्यवाद ज्ञापन गर्ने निर्णय गरेको सचिव ओलीले बताए ।

साथै शाखाको आग्रहमा जिल्लामै पहिलोपटक सञ्चार क्षेत्रलाई प्रवद्र्धन गर्ने गरी सबै स्थानीय सरकारहरूले प्राथमिकताका साथ वार्षिक नीति तथा कार्यक्रममा सञ्चार क्षेत्रलाई समेटेकोमा धन्यवाद व्यक्त गर्ने निर्णय भएको छ । यसैगरी बाँके शाखाको नेपालगन्ज–४ सञ्चारग्राम (बसपार्क) स्थित कार्यालय भवनमा छिट्टै सुरुवात गर्ने गरी ‘डुडुवा सेमिनार हल’ निर्माण गर्न सहयोग गर्ने डुडुवा गाउँपालिका कार्यालय, कार्यालयको भौतिक पूर्वाधार विकासका लागि बजेट विनियोजन गर्ने लुम्बिनी प्रदेश सरकार आन्तरिक मामिला तथा कानुन मन्त्रालय र भौतिक पूर्वाधार विकास तथा विविध क्रियाकलापका लागि बजेट बिनियोजन गरेकोमा बाँके जिल्लाका सबै स्थानीय सरकारप्रति आभार प्रकट गर्ने निर्णय गरिएको सचिव ओलीले जानकारी दिए ।

May be an image of text