नेपालगन्ज-१३ को पेट्रोल नजिकबाट १७ ग्राम खैरो हेरोइनसहित एक युवक पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्ज-१३ को पेट्रोल नजिकबाट १७ ग्राम खैरो हेरोइनसहित एक युवक पक्राउ

नेपालगन्ज-१३ को पेट्रोल नजिकबाट १७ ग्राम खैरो हेरोइनसहित एक युवक पक्राउ

आइतबार, साउन ४, २०८२ बागेश्वरी पोस्ट

नेपालगन्ज । नेपालगन्जबाट प्रहरीले खैरो हेरोइनसहित एक युवकलाई पक्राउ गरेको छ ।

ब्राउन सुगरको कारोबार भइरहेको विशेष सूचनाका आधारमा लागुऔषध नियन्त्रण ब्यूरो शाखा कार्यालय नेपालगन्जबाट खटिएको टोलीले १७ ग्राम खैरो हेरोइनसहित नेपालगन्ज-१४ का २३ वर्षीय अजय कुमार खटिकलाई पक्राउ गरेको जिल्ला प्रहरी कार्यालय बाँकेले जानकारी दिएको छ ।

बाँके प्रहरीका अनुसार शनिबार अपराह्न साढे ४ बजे १७ ग्राम खैरो हेरोइन बोकेर बसेका अजयलाई नेपालगन्ज १३ नम्बर वडा कार्यालय जाने बाटोको पेट्रोल पम्प नजिकबाट नियन्त्रणमा लिइएको थियो । उनको साथबाट एक थान मोबाइल समेत बरामद गरिएको छ ।

खैरो हेरोइनसहित पक्राउ परेका अजयलाई लागुऔषध नियन्त्रण ब्यूरोले जिल्ला प्रहरी कार्यालयलाई बुझाएर थप अनुसन्धान जारी रहेको प्रहरीले जानकारी दिएको छ ।

प्रकाशित मिति: आइतबार, साउन ४, २०८२ ०८:३६

प्रतिक्रिया दिनुहोस्