नेपालगन्ज बसपार्कबाट पेस्टोलसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्ज बसपार्कबाट पेस्टोलसहित दुई जना पक्राउ

नेपालगन्ज बसपार्कबाट पेस्टोलसहित दुई जना पक्राउ

आइतबार, भदौ १, २०८२ बागेश्वरी पोस्ट

नेपालगन्ज । बाँकेको नेपालगन्जबाट प्रहरीले पेस्तोलसहित दुई जनालाई पक्राउ गरेको छ । जिल्ला प्रहरी कार्यालय बाँकेले दिएको जानकारी अनुसार कटुवा पेस्तोलसहित दुई जनालाई पक्राउ गरिएको हो ।

जिल्ला प्रहरी मातहत रहेको अस्थायी प्रहरी पोस्ट बसपार्कको टोलीले गएराति नेपालगन्ज उपमहानगरपालिका-४ बसपार्कबाट एक थान कटुवा पेस्तोल र २ राउण्ड गोलीसहित नेपालगन्ज-९ बस्ने १७ वर्षीय किशोर र अर्का एक जनालाई पक्राउ गरेको हो ।

बाँके प्रहरीका अनुसार पुष्पलाल चोकबाट बसपार्कतर्फ ने १ ह ४५०२ नम्बरको इ-रिक्सामा आउँदै गरेको अवस्थामा उनीहरुलाई पेस्तोल र गोलीसहित पक्राउ गरिएको हो ।

जिल्ला प्रहरी कार्यालय बाँकेले पक्राउ परेका दुई जनासँग थप अनुसन्धान सुरु गरेको जनाएको छ ।

प्रकाशित मिति: आइतबार, भदौ १, २०८२ १५:५६

प्रतिक्रिया दिनुहोस्