नागरिकले अनुभूति गर्ने गरी प्रहरीले काम गर्छः बाँके प्रहरी प्रमुख जिसी

सुरक्षा-अपराध

गृहपृष्ठ
सुरक्षा-अपराध
नागरिकले अनुभूति गर्ने गरी प्रहरीले काम गर्छः बाँके प्रहरी प्रमुख जिसी

नागरिकले अनुभूति गर्ने गरी प्रहरीले काम गर्छः बाँके प्रहरी प्रमुख जिसी

आइतबार, असोज १२, २०८२ बागेश्वरी पोस्ट

नेपालगञ्ज । जिल्ला प्रहरी कार्यालय बाँकेका प्रहरी उपरीक्षक अंगुर जिसीले नागरिकले अनुभूति गर्ने गरी प्रहरीले सुरक्षा प्रदान गर्ने बताएका छन् । भर्खरै सरुवा भएर बाँकेको सुरक्षा कमाण्ड सम्हालेका जिसीले नागरिकले सुरक्षित अनुभूति गर्ने गरी प्रहरी परिचालन हुन सके मात्र त्यसले उचित परिणाम दिने बताए । 'सञ्चारकर्मीहरुसंग परिचयात्मक कार्यक्रम' मा आज प्रहरी उपरीक्षक जिसीले चाडपर्व लक्षित सुरक्षा योजना लागू भइसकेको बताउँदै अपराध नियन्त्रणका लागि आफूहरु प्रतिबद्ध रहेको बताए । सबैले सुरक्षित साथ दशैं मान्ने वातावरण निर्माणका लागि सुरक्षा ब्यवस्था मिलाएको उनको भनाई छ । बाँकेमा ११ सय बढी प्रहरी परिचालन भएका छन् ।

उनले समाजमा शान्ति सुब्यवस्था र अमनचयन कायम गर्दै भयरसहित वातावरण निर्माणका लागि बाँके प्रहरी दत्तचित्त रहने उल्लेख गरे । जेनजी आन्दोलनका क्रममा आगजनी, तोडफोड र चोरीमा संलग्न चार जना पक्राउ परिसकेको जानकारी दिँदै प्रमाण संकलन गर्ने र आवश्यक प्रक्रिया अघि बढाउने काम भइरहेको जिसीले बताए । प्रहरी उपरीक्षक जिसीले अपराधीले कुनै पनि हालतमा उन्मुक्ति नपाउने दृढता ब्यक्त गरे । उनले शान्ति सुब्यवस्था कायम गर्न तथा अपराध नियन्त्रणका लागि सञ्चार क्षेत्रसंग सहकार्य गर्ने बताए । सूचनाको सहज प्रसारका लागि आफू प्रतिबद्ध रहेको जिसीको भनाई छ । प्रहरीले भनसुनको भरमा काम गर्छ भन्ने मानसिकता त्याग्न आग्रह गर्दैै उनले प्रहरीले सिस्टमले काम गर्ने बताए ।

प्रकाशित मिति: आइतबार, असोज १२, २०८२ १४:४४

प्रतिक्रिया दिनुहोस्