नेपालगन्जको जुवाखालमा बाँके प्रहरीको छापा, साढे १३ लाखसहित १४ जुवाडे पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको जुवाखालमा बाँके प्रहरीको छापा, साढे १३ लाखसहित १४ जुवाडे पक्राउ

नेपालगन्जको जुवाखालमा बाँके प्रहरीको छापा, साढे १३ लाखसहित १४ जुवाडे पक्राउ

बिहीबार, असोज २३, २०८२ बागेश्वरी पोस्ट

नेपालगन्ज । बाँके प्रहरी प्रमुख एसपी अंगुर जिसीको सक्रियतामा नेपालगन्जस्थित एक ठूलो जुवाखालबाट नेपाल प्रहरीका एक वरिष्ठ सईसहित एक दर्जन बढी हाइप्रोफाइल जुवाडेहरुलाई पक्राउ गरिएको छ ।

जिल्ला प्रहरी कार्यालय बाँकेबाट एसपी जिसीको निर्देशनमा इन्स्पेक्टर यम बहादुर बुढा मगरको कमाण्डमा गएको टोलीले गएराति ११ बजे नेपालगन्ज-बाइपासस्थित रहेको मौरी रेस्टुरेन्टको जुवाखालबाट बाँकेका हाइप्रोफाइल जुवाडेहरुलाई साढे १३ लाख रुपैयाँ बढीसहित पक्राउ गरेको हो ।

मौरी रेस्टुरेन्टको दोस्रो तलाको एक कोठामा ठूलो धनराशीसहित जुवा भइरहेको गोप्य सूचनाका आधारमा जिल्ला प्रहरी कार्यालयको टोलीले छापा मारेको थियो ।

प्रहरीले जुवाखालबाट १३ लाख ६३ हजार ८ सय रुपैयाँ र तासका गड्डी समेत बरामद गरेको बाँके प्रहरीले जानकारी दिएको छ ।

पक्राउ परेका सबै जुवाडेहरुलाई आज थप अनुसन्धानका लागि म्याद थपका लागि बाँके जिल्ला अदालतमा उपस्थित गराइने जिल्ला प्रहरी कार्यालय बाँकेले जनाएको छ ।

प्रकाशित मिति: बिहीबार, असोज २३, २०८२ १०:११

प्रतिक्रिया दिनुहोस्