इलाका प्रहरी धनौलीले सुरु गर्यो विभिन्न निवेदनहरुका नमुना क्युआर कोड सेवा

सुरक्षा-अपराध

गृहपृष्ठ
सुरक्षा-अपराध
इलाका प्रहरी धनौलीले सुरु गर्यो विभिन्न निवेदनहरुका नमुना क्युआर कोड सेवा

इलाका प्रहरी धनौलीले सुरु गर्यो विभिन्न निवेदनहरुका नमुना क्युआर कोड सेवा

सोमबार, मंसिर ८, २०८२ बागेश्वरी पोस्ट

बाँके । बाँकेको खजुरास्थित इलाका प्रहरी कार्यालय धनौलीले सेवामा आधुनिकीकरण गर्दै क्युआर कोड प्रणाली प्रयोगमा ल्याएको छ ।

कार्यालयमा आउने सेवाग्राहीको सुविधाका लागि कार्यालय परिसरमै नि:शुल्क पीडितहरुको निवेदन लेख्ने गरिएको साथै प्रविधिको ज्ञान भएका सेवाग्राही लक्षित क्युआर कोडमै विभिन्न निवेदनका नमुनाहरु कार्यालयको गेटमै राखिएको इलाका प्रहरी कार्यालयले जनाएको छ ।

नागरिकका गुनासा, समस्यालाई छिटो र प्रभावकारी रूपमा सम्बोधन गर्न यो प्रविधि लागू गरिएको प्रहरीले जनाएको छ । पहिले परम्परागत तरिकाबाट सेवा दिँदै आएकोमा अहिले क्युआर कोडको प्रयोगसँगै नागरिकलाई सहज पहुँच बढ्ने, समय बचत हुने र सेवा प्रवाह अझ द्रुत तथा व्यवस्थित हुने विश्वास धनौली प्रहरी कार्यालयको छ ।

धनौली प्रहरीले विभिन्न ९ वटा निवेदनका लागि छुट्टाछुट्टै क्युआर कोडका नमुना सार्वजनिक गरेको छ । नागरिकले आफ्ना समस्या र पिरमर्का पठाउन लागि छुट्टै क्युआर कोड समेत राखिको जनाएको छ । प्राप्त उजुरी कार्यान्वयन भए–नभएको विवरण पनि सोही प्रणालीमार्फत उजुरीकर्तालाई उपलब्ध गराइने व्यवस्था मिलाइएको बताइएको छ।

क्युआर कोडमार्फत आउने उजुरीहरूको वर्गीकरण गरी तत्काल आवश्यकता अनुसार सम्बोधन गरिने धनौली प्रहरी कार्यालयले जनाएको छ ।

प्रकाशित मिति: सोमबार, मंसिर ८, २०८२ १४:४३

प्रतिक्रिया दिनुहोस्