लुम्बिनी प्रदेशमा मापसे दुर्घटनाको संख्या सबैभन्दा बढी, ७ जनाको मृत्यु

सुरक्षा-अपराध

गृहपृष्ठ
सुरक्षा-अपराध
लुम्बिनी प्रदेशमा मापसे दुर्घटनाको संख्या सबैभन्दा बढी, ७ जनाको मृत्यु

लुम्बिनी प्रदेशमा मापसे दुर्घटनाको संख्या सबैभन्दा बढी, ७ जनाको मृत्यु

मंगलबार, मंसिर ९, २०८२ बागेश्वरी पोस्ट

नेपालगन्ज । एक महिनाको अवधिमा मदिरा सेवनमा (मापसे) देशभर २५० दुर्घटना भएका छन् । गत कात्तिक महिनाभरमा भएका दुर्घटनामा ११ जनाले ज्यान गुमाएका छन् भने ३७५ जना घाइते भएको प्रहरी प्रधान कार्यालयले जनाएको छ ।

प्रहरीले दिएको तथ्यांक अनुसार लुम्बिनी प्रदेश सबैभन्दा धेरै दुर्घटना भएको छ, जहाँ १०३ दुर्घटना भएका छन् । जसमा ७ जनाले ज्यान गुमाएका छन् । लुम्बिनीमै १६८ जना घाइते भएका छन्, जो अन्य सबै प्रदेश भन्दा धेरै हो ।

उपत्यकामा ५७ दुर्घटना भएकोमा १ जनाको मृत्यु भएको छ भने ७७ जना घाइते भएका छन् । कोशी प्रदेशमा ४१ दुर्घटनासँगै १ जनाको मृत्यु र ४१ जना घाइते भएका छन् । मधेशमा २० दुर्घटना हुँदा १ जनाको मृत्यु र २८ घाइते भएका छन् । बागमती प्रदेशमा १२ दुर्घटना दर्ता भएका छन्, जसमा १ जनाको मृत्यु र २२ घाइते भएका छन् ।

त्यसैगरी गण्डकी प्रदेशमा ८ दुर्घटना भएता पनि मृत्यु शून्य रहेको र ६ जना घाइते भएका छन् । कर्णालीमा ६ दुर्घटना दर्ता भए पनि कुनै जन-हानी नभएको र १० जना घाइते रहेको प्रहरी प्रधान कार्यालयले जनाएको छ । सुदूरपश्चिममा ७ दुर्घटना हुँदा मृत्यु शून्य रहेर ११ जना मात्र घाइते भएका छन् ।

मदिरा सेवनपछि सवारी चलाउने प्रवृत्तिले दुर्घटनाको जोखिम अत्यधिक बढाइरहेको प्रहरीको भनाई छ । सवारी चाप र मदिराको प्रयोग एकसाथ बढ्ने हुँदा जोखिम थप बढ्ने प्रहरीले जनाएको छ । मदिरा सेवनपछि सवारी नचलाउन सबै चालकलाई प्रहरीको कडा आग्रहसहित देशभर चेकजाँच थप कडा बनाइने बताइएको छ ।

प्रकाशित मिति: मंगलबार, मंसिर ९, २०८२ १५:१३

प्रतिक्रिया दिनुहोस्