बैंकिङ कसूर मुद्दामा फरार तिवारी प्रहरी नियन्त्रणमा

सुरक्षा-अपराध

गृहपृष्ठ
सुरक्षा-अपराध
बैंकिङ कसूर मुद्दामा फरार तिवारी प्रहरी नियन्त्रणमा

बैंकिङ कसूर मुद्दामा फरार तिवारी प्रहरी नियन्त्रणमा

बिहीबार, मंसिर १८, २०८२ बागेश्वरी पोस्ट

नेपालगञ्ज । बैंकिङ कसूर मुद्दामा फरार रहेका बाँकेको डुडुवा गाउँपालिका–३ का नन्दराम तिवारीलाई प्रहरीले पक्राउ गरेको छ ।

बाँके जिल्ला अदालतबाट २०८१ साल माघ २० गतेको फैसलामा ६ लाख ५० हजार रुपैयाँ जरिवाना र १ महिना कैद सजाय पाएका तिवारी लामो समयदेखि फरार रहँदै आएको जिल्ला प्रहरी कार्यालय बाँकेले जानकारी दिएको छ ।

फरार रहेका तिवारीलाई नेपालगञ्ज उपमहानगरपालिका–६ फुल्टेक्रा क्षेत्रबाट जिल्ला प्रहरी कार्यालयबाट खटिएको टोलीले पक्राउ गरेको हो । पक्राउ परेका तिवारीलाई आवश्यक कारबाहीका लागि बाँके जिल्ला अदालतमा बुझाइएको जिल्ला प्रहरी कार्यालय बाँकेले जनाएको छ ।

प्रकाशित मिति: बिहीबार, मंसिर १८, २०८२ १३:२१

प्रतिक्रिया दिनुहोस्