नेपालगन्जको गोदाममा प्रहरीको छापा:३३ हजार ९ सय किलो अवैध केराउ बरामद, सन्चालक पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको गोदाममा प्रहरीको छापा:३३ हजार ९ सय किलो अवैध केराउ बरामद, सन्चालक पक्राउ

नेपालगन्जको गोदाममा प्रहरीको छापा:३३ हजार ९ सय किलो अवैध केराउ बरामद, सन्चालक पक्राउ

शुक्रबार, मंसिर १९, २०८२ बागेश्वरी पोस्ट

बाँके । बाँकेको नेपालगन्ज बजारबाट प्रहरीले अवैध रुपले भण्डारण गरी राखिएको २० लाख रुपैयाँ बढीको मटर (केराउ) बरामद गरेको छ ।

जिल्ला प्रहरी कार्यालय बाँकेले नेपालगन्ज उपमहानगरपालिका-१ गुलरिया बसपार्क नजिक रहेको मुस्कान ट्रेर्डसमा छापा मारेर ११ सय ३० बोरा अवैध केराउसहित सन्चालक मुबारक अहमद कबडियालाई नियन्त्रणमा लिएको हो ।

जिल्ला प्रहरी कार्यालय बाँकेका अनुसार भारतबाट भन्सार छली गरेर ल्याएको अवस्थामा गोदाममा भण्डारण गरिएको २० लाख ३४ हजार रुपैयाँ बराबरको ३३ हजार ९ सय किलो केराउ बरामद गरिएको हो ।

बिहीबार साँझ बरामद गरिएको उक्त परिमाणको अवैध केराउ र सन्चालक बुकारकलाई आबश्यक कारबाहीका लागि आज नेपालगन्ज भन्सार कार्यालय बुझाइएको जिल्ला प्रहरी कार्यालय बाँकेले जानकारी दिएको छ । बाँके प्रहरीको कमाण्ड सम्हालेयता एसपी अंगुर जिसीले अवैध ओसारपसारविरुद्ध खरो उत्रँदै लाखौं रुपैयाँ बराबरका अवैध सामग्री बरामद गर्दै आएका छन् ।

प्रकाशित मिति: शुक्रबार, मंसिर १९, २०८२ १९:२६

प्रतिक्रिया दिनुहोस्