बढैयातलबाट ब्राउन सुगरसहित खजुराका खाँ बर्दिया प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
बढैयातलबाट ब्राउन सुगरसहित खजुराका खाँ बर्दिया प्रहरीको नियन्त्रणमा

बढैयातलबाट ब्राउन सुगरसहित खजुराका खाँ बर्दिया प्रहरीको नियन्त्रणमा

आइतबार, मंसिर २१, २०८२ बागेश्वरी पोस्ट

बर्दिया । बर्दियाको फुटाहबाट प्रहरीले ब्राउन सुगरसहित बाँकेका एक युवकलाई पक्राउ गरेको छ ।

जिल्लाको बढैयाताल गाउँपालिका-२ फुटाह सागुनघारीबाट इलाका प्रहरी कार्यालय मैनापोखर र प्रहरी चौकी जमुनीबाट खटिएको टोलीले ३ ग्राम ५८० मिलिग्राम ब्राउनसुगरसहित बाँकेको खजुरा गाउँपालिका-७ उढरापुरका २५ वर्षीय तौफिक खाँलाई पक्राउ गरेको जिल्ला प्रहरी कार्यालय बर्दियाले जानकारी दिएको छ ।

बर्दिया प्रहरीका अनुसार खाँलाई भारतबाट नेपालतर्फ ब्राउन सुगरसहित पैदल आउँदै गरेको अवस्थामा पक्राउ गरेको हो ।

ब्राउन सुगरसहित पक्राउ परेका खाँलाई आज बर्दिया जिल्ला अदालतबाट म्याद लिएर इलाका प्रहरी कार्यालय मैनापोखरले लागुऔषध कसुरमा थप अनुसन्धान अगाडि बढाएको जिल्ला प्रहरी कार्यालय बाँकेले जनाएको छ ।

प्रकाशित मिति: आइतबार, मंसिर २१, २०८२ १४:०९

प्रतिक्रिया दिनुहोस्