नेपालगन्जबाट खैरो हेरोइनसहित रिक्सा चालक प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
नेपालगन्जबाट खैरो हेरोइनसहित रिक्सा चालक प्रहरीको नियन्त्रणमा

नेपालगन्जबाट खैरो हेरोइनसहित रिक्सा चालक प्रहरीको नियन्त्रणमा

सोमबार, मंसिर २२, २०८२ बागेश्वरी पोस्ट

बाँके । बाँकेको नेपालगन्जबाट लागुऔषध खैरो हेरोइनसहित अटोरिक्सा चालकलाई प्रहरीले पक्राउ गरेको छ ।

लागुऔषधको कारोबार भइरहेको विशेष सूचनाका आधारमा लागुऔषध नियन्त्रण ब्यूरो शाखा कार्यालय नेपालगन्ज र बाँके प्रहरीको संयुक्त टोलीले १ ग्राम ३२० मिलिग्राम खैरो हेरोइनसहित नेपालगन्ज-२१ का २४ वर्षीय गोलु बढईलाई पक्राउ गरेको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी कार्यालय बाँकेका अनुसार आइतबार राति नेपालगन्ज-४ कलपत्रु होटेल अगाडि भे १ ह ९५१० नं. को अटो चालक गोलुलाई १ ग्राम ३२० मिलिमिटर खैरो हेरोइनसहित नियन्त्रणमा लिइएको हो । खैरो हेरोइनसँगै राखेर जाँदै गरेको अवस्थामा टोलीले गोलुलाई एक थान मोबाइलसहित पक्राउ गरेको हो ।

पक्राउ परेका गोलुलाई नियन्त्रणमा लिएर जिल्ला प्रहरी कार्यालय बाँकेले लागुऔषध कसुरमा थप अनुसन्धान अगाडि बढाएको जनाएको छ ।