नेपालगञ्ज बजारबाट ५४ ग्राम ब्राउन सुगरसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगञ्ज बजारबाट ५४ ग्राम ब्राउन सुगरसहित दुई जना पक्राउ

नेपालगञ्ज बजारबाट ५४ ग्राम ब्राउन सुगरसहित दुई जना पक्राउ

आइतबार, पुस ६, २०८२ बागेश्वरी पोस्ट

नेपालगञ्ज । नेपालगञ्ज बजार क्षेत्रबाट ठुलो परिमाणमा ल्याइएको ब्राउन सुगरसहित दुई जनालाई प्रहरीले पक्राउ गरेको छ ।

जिल्ला प्रहरी कार्यालय बाँकेका अनुसार नेपालगञ्ज उपमहानगरपालिका–२ बाट ५४ ग्राम ६० मिलिग्राम ब्राउनसुगरसहित नेपालगञ्ज उपमहानगरपालिका–१२ बेलासपुरका ४३ वर्षीय सुवोध क्षेत्री र बैजनाथ गाउँपालिका–१ बस्ने ३२ वर्षीय यामबहादुर बुढालाई पक्राउ गरिएको हो ।

सुबोध र यामबहादुरलाई जिल्ला प्रहरी कार्यालय बाँके र लागूऔषध नियन्त्रण ब्यूरो शाखा कार्यालय नेपालगञ्जबाट खटिएको संयुक्त टोलीले शनिबार राति पक्राउ गरेको जिल्ला प्रहरी कार्यालय बाँकेले जनाएको छ ।

५४ ग्राम ६० मिलिग्राम ब्राउन सुगरसहित पक्राउ परेका उनीहरुविरुद्ध आज जिल्ला अदालत बाँकेबाट म्याद थप गरेर घटनाबारे लागुऔषध कसुरमा थप अनुसन्धान अगाडि बढाइएको जिल्ला प्रहरी बाँकेले जानकारी दिएको छ ।

प्रकाशित मिति: आइतबार, पुस ६, २०८२ १५:३८

प्रतिक्रिया दिनुहोस्