ब्राउन सुगर कारोबार: बाँकेबाट श्रीमान-श्रीमतीसहित ३ जना पक्राउ, ८९ हजार नगद बरामद

सुरक्षा-अपराध

गृहपृष्ठ
सुरक्षा-अपराध
ब्राउन सुगर कारोबार: बाँकेबाट श्रीमान-श्रीमतीसहित ३ जना पक्राउ, ८९ हजार नगद बरामद

ब्राउन सुगर कारोबार: बाँकेबाट श्रीमान-श्रीमतीसहित ३ जना पक्राउ, ८९ हजार नगद बरामद

सोमबार, पुस २१, २०८२ बागेश्वरी पोस्ट

बाँके । बाँके जिल्लाका विभिन्न स्थानबाट अवैध लागुऔषध ब्राउनसुगरसहित प्रहरीले श्रीमान–श्रीमतीसहित तीन जनालाई पक्राउ गरेको छ ।

जिल्ला प्रहरी कार्यालय बाँकेका अनुसार कोहलपुर नगरपालिका–११ बाट अवैध लागुऔषध ब्राउनसुगर ६ ग्राम ३५० मिलिग्राम र नगद ८९ हजार ९ सय रुपैयाँसहित दुई जनालाई पक्राउ गरिएको हो । पक्राउ पर्नेहरूमा कोहलपुर–११ मा डेरा गरी बस्ने कालिकोटको रास्कोट नगरपालिका–५ घर भएका २३ वर्षीय मुकेश बम र उनकी २० वर्षीया श्रीमती कृपा तामाङ रहेका छन् ।

इलाका प्रहरी कार्यालय कोहलपुरबाट खटिएको प्रहरी टोलीले उनीहरू बस्दै आएको कोठा तलासी गर्ने क्रममा उक्त परिमाणको ब्राउनसुगर र नगद रकम फेला पारी पक्राउ गरेको जिल्ला प्रहरी कार्यालयले जानकारी दिएको छ ।

यसैगरी बाँकेको खजुरा गाउँपालिका–७ गुनाहाना चोकबाट अवैध लागुऔषध ब्राउनसुगर १ सय १० मिलिग्रामसहित सोही स्थानका ४७ वर्षीय समि उल्ला भाटलाई पनि प्रहरीले पक्राउ गरेको जनाएको छ । इलाका प्रहरी कार्यालय धनौलीबाट खटिएको प्रहरी टोलीले उनलाई ब्राउनसुगरसहित नियन्त्रणमा लिएको हो ।

पक्राउ परेकामाथि थप अनुसन्धान भइरहेको जिल्ला प्रहरी कार्यालय बाँकेले जनाएको छ ।

प्रकाशित मिति: सोमबार, पुस २१, २०८२ ०९:४५

प्रतिक्रिया दिनुहोस्