नेपालगन्जबाट लागुऔषधसहित दुई जना प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
नेपालगन्जबाट लागुऔषधसहित दुई जना प्रहरीको नियन्त्रणमा

नेपालगन्जबाट लागुऔषधसहित दुई जना प्रहरीको नियन्त्रणमा

सोमबार, माघ १९, २०८२ बागेश्वरी पोस्ट

नेपालगन्ज । बाँकेको नेपालगन्जबाट प्रहरीले लागुऔषध ब्राउन सुगरसहित दुई जनालाई पक्राउ गरेको छ ।

जिल्ला प्रहरी कार्यालय बाँकेले दिएको जानकारी अनुसार नेपालगन्ज उपमहानगरपालिका–१३ उधोपुर्वाबाट १ ग्राम ८ सय मिलिग्राम ब्राउन सुगरसहित ३६ वर्षीय रोहित पुन पक्राउ परेका हुन् ।

बाँके प्रहरीका अनुसार आइतबार साँझ प्रहरी चौकी तेलियनपुरबाट खटिएको टोलीले भे ३ प १४९४ नम्बरको मोटरसाइकलमा सवार पुनलाई नियन्त्र णमा लिएको हो। उनी नेपालगन्ज उपमहानगरपालिका–७ फूलटेक्रा निवासी हुन् ।

यसैगरी बाँके प्रहरीले नेपालगन्ज उपमहानगरपालिका–११ त्रिभुवन चोकबाट नियन्त्रित लागुऔषध ट्रामाडोल ३ सय ५७ ट्याब्लेटसहित ४२ वर्षीय ईरसाद अलि पक्राउ परेका छन् । उनी सोही स्थानका बासिन्दा हुन् ।

बाँके प्रहरीका अनुसार अस्थायी प्रहरी पोष्ट नगर भवन तथा लागुऔषध नियन्त्रण ब्यूरो शाखा कार्यालय नेपालगन्जबाट खटिएको टोलीले आइतबार राति उनलाई नियन्त्रणमा लिएको हो । पक्राउ परेका दुवै जनामाथि थप अनुसन्धान भइरहेको जिल्ला प्रहरी कार्यालय बाँकेले जनाएको छ ।

प्रकाशित मिति: सोमबार, माघ १९, २०८२ १६:४३

प्रतिक्रिया दिनुहोस्