जमुनाहबाट ४८ ग्राम खैरो हेरोइनसहित दाङका दुई युवक प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
जमुनाहबाट ४८ ग्राम खैरो हेरोइनसहित दाङका दुई युवक प्रहरीको नियन्त्रणमा

जमुनाहबाट ४८ ग्राम खैरो हेरोइनसहित दाङका दुई युवक प्रहरीको नियन्त्रणमा

शनिबार, माघ २४, २०८२ बागेश्वरी पोस्ट

नेपालगन्ज । लागुऔषध नियन्त्रण ब्यूरोले नेपालगन्जबाट ४८ ग्राम खैरो हेरोइनसहित दुई जनालाई पक्राउ गरेको छ ।

पक्राउ पर्नेमा दाङको गढवा गाउँपालिका–४ का ३० वर्षीय हिमाल के.सी. र घोराही उपमहानगरपालिका–३ का २७ वर्षीय शरद खड्का रहेको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी कार्यालय बाँकेका अनुसार आज बिहान साढे १० बजे नेपालगन्ज उपमहानगरपालिका–१५ स्थित जमुनाह चेकपोस्टमा चेकजाँच गर्ने क्रममा उनीहरूलाई उक्त परिमाणको खैरो हेरोइनसहित पक्राउ गरिएको हो ।

भारतको रुपैडियाबाट खैरो हेरोइन ल्याई बाँके र दाङका विभिन्न स्थानमा बिक्री तथा वितरण गर्ने उद्देश्यले आउँदै गरेको सूचनाका आधारमा खटिएको लागुऔषध नियन्त्रण ब्यूरो शाखा कार्यालय नेपालगन्जको टोलीले खानतलासी गर्दा हिमालले आफ्नो पेन्टीभित्र लुकाएर राखेको अवस्थामा खैरो हेरोइन फेला परेको जिल्ला प्रहरी बाँकेले जनाएको छ ।

खैरो हेरोइनसहित उनीहरूको साथबाट दुई थान मोबाइल फोन बरामद गरिएको प्रहरीले जानकारी दिएको छ । पक्राउ परेका दुवै जनालाई आवश्यक अनुसन्धान तथा कानुनी कारबाहीका लागि जिल्ला प्रहरी कार्यालय बाँकेमा ल्याएर थप अनुसन्धान अगाडि बढाइएको छ ।

प्रकाशित मिति: शनिबार, माघ २४, २०८२ १३:४४

प्रतिक्रिया दिनुहोस्