डिजिटल साक्षरता र नागरिक प्रविधिबारे तीन दिने कार्यशाला शुरु

विज्ञान-प्रबिधि

गृहपृष्ठ
विज्ञान-प्रबिधि
डिजिटल साक्षरता र नागरिक प्रविधिबारे तीन दिने कार्यशाला शुरु

डिजिटल साक्षरता र नागरिक प्रविधिबारे तीन दिने कार्यशाला शुरु

शुक्रबार, चैत १३, २०८२ बागेश्वरी पोस्ट

नेपालगन्ज । बाँकेका युवाहरुका लागि डिजिटल साक्षरता र नागरिक प्रविधि सम्बन्धि तीन दिने कार्यशाला नेपालगन्जमा शुरु भएको छ । डिजिटल लोकतन्त्र पहल परियोजना एकाउन्टविलिटी ल्याबको सहकार्यमा सूचना र मानव अधिकार अनुसन्धान केन्द्रद्वारा नेपालगन्जमा शुक्रबारदेखि शुरु भएको कार्यशालामा सहभागी युवाहरुलाई डिजिटल प्रविधिको ज्ञान, सीप र त्यसको प्रयोगका बारेमा जानकारी गराइनेछ ।

कार्यशालामा संबैधानिक कानूनी अधिकार, आधारभूत डिजिटल साक्षरता, डिजिटल विभाजन, डिजिटल सुरक्षा, नागरिक प्रविधि उपकरण, वकालतका लागि सामाजिक सञ्जाल, विषयबस्तुको पहिचान तथा उत्पादन लगायतका विषयमा जानकारी गराइनेछ । कार्यशालामा अधिबक्ता विश्वजित तिवारी, रामु वली, राम प्रसाद आचार्य र राकेशकुमार मिश्रले सहजीकरण गर्नेछन् ।

कार्यशाला पश्चात युवाहरुले उत्पादन गरेका सार्वजनिक सरोकारका विषयबस्तु सामाजिक सञ्जाल तथा वेबसाइटमा प्रकाशन गरिनेछ भने समुदायमा उत्पादित विषयबस्तुहरुका बारेमा अनलाइन भर्चुअल माध्यममार्फत नागरिक संवाद गरिनेछ । कार्यशालामा करीब ३ दर्जन युवायुवतीहरुको सहभागिता रहेको छ ।

प्रकाशित मिति: शुक्रबार, चैत १३, २०८२ १८:५१

प्रतिक्रिया दिनुहोस्