फरार प्रतिवादी र जेलबाट भागेका कैदी बाँके प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
फरार प्रतिवादी र जेलबाट भागेका कैदी बाँके प्रहरीको नियन्त्रणमा

फरार प्रतिवादी र जेलबाट भागेका कैदी बाँके प्रहरीको नियन्त्रणमा

आइतबार, चैत २२, २०८२ बागेश्वरी पोस्ट

बाँके । जबरजस्ती करणी मुद्दाका फरार प्रतिवादी र कारागारबाट भागेका कैदी गरी दुई जनालाई बाँके प्रहरीले पक्राउ गरेको छ । जिल्ला प्रहरी कार्यालय बाँकेबाट खटिएको टोलीले जबरजस्ती करणी मुद्दामा फरार रहेका डुडुवा गाउँपालिका-१ नयाँ बस्तीका ५७ वर्षीय मायाराम भनिने दयाराम कुर्मीलाई नियन्त्रणमा लिएको हो ।

बाँके जिल्ला अदालतको २०८१ साउन २४ को फैसलामा दोषी ठहर भई ६ वर्ष ५ महिना १० दिन कैद सजाय सुनाएका दयाराम घरमै आएर लुकिछिपी बसेको अवस्थामा प्रहरीले पक्राउ गरेको हो । पक्राउ परेका दयारामलाई आज बाँके जिल्ला अदालत पेश गर्दै जिल्ला कारागार नेपालगन्ज पठाइएको प्रहरीले जनाएको छ ।

त्यसैगरी गत भदौ २४ गतेको जेनजी आन्दोलनका क्रममा नौबस्ता कारागार बाँकेबाट भागेका कैदीलाई बाँके प्रहरीले पक्राउ गर्न सफल भएको छ । जिल्ला प्रहरी कार्यालय बाँकेले लागुऔषध मुद्दामा ६ वर्ष ६ महिना कैद सजाय र २० हजार जरिवाना पाएर कारागारबाट भागेका कोहलपुर १२ चप्परगौडीका २१ वर्षीय ज्ञानेन्द्र टमटा पक्राउ परेका हुन् । फरार रहेका ज्ञानेन्द्रलाई आज पक्राउ गरेर आवश्यक कैद भुक्तानका लागि कारागार कार्यालय नौवस्तामा बुझाइएको जिल्ला प्रहरी बाँकेले जनाएको छ ।

प्रकाशित मिति: आइतबार, चैत २२, २०८२ २१:५०

प्रतिक्रिया दिनुहोस्