बाँकेमा बैशाखभर २०५ मुद्दा दर्ता, ४८ जना लागूऔषध कारोबारी पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा बैशाखभर २०५ मुद्दा दर्ता, ४८ जना लागूऔषध कारोबारी पक्राउ

बाँकेमा बैशाखभर २०५ मुद्दा दर्ता, ४८ जना लागूऔषध कारोबारी पक्राउ

सोमबार, जेठ ४, २०८३ बागेश्वरी पोस्ट

नेपालगञ्ज । जिल्ला प्रहरी कार्यालय बाँकेले बैशाख महिनाको प्रगति विवरण सार्वजनिक गर्दै अपराध नियन्त्रण, अनुसन्धान र लागूऔषध विरुद्ध उल्लेखनीय सफलता हासिल गरेको जनाएको छ।

प्रहरी उपरीक्षक (एसपी) अंगुर जिसीको नेतृत्वमा बैशाख महिनामा कुल २०५ वटा मुद्दा दर्ता भएका छन् । चालु मुद्दामा १८७ जना प्रतिवादी पक्राउ गरिएको छ भने फैसला कार्यान्वयनतर्फ ७६ जना पक्राउ परेका छन् । लागूऔषध नियन्त्रणतर्फ ३५ वटा मुद्दा दर्ता भई ४८ जना पक्राउ परेका छन् । प्रहरीले ब्राउनसुगर, नाइट्राजेपाम, ट्रामाडोल, गाँजा, चरेश तथा कोरेक्स लगायतका लागूऔषध बरामद गरेको जनाएको छ ।

महिला, बालबालिका तथा ज्येष्ठ नागरिक सम्बन्धि ९ वटा मुद्दामा ११ जना पक्राउ परेका छन् भने आर्थिक अपराधका ३४ वटा मुद्दा दर्ता भएका छन् । ट्राफिकतर्फ २० वटा सवारी दुर्घटनामा ४ जनाको मृत्यु र १८ जना घाइते भएका छन् । ट्राफिक कारबाहीबाट १८ लाख ६२ हजार रुपैयाँ राजस्व संकलन भएको प्रहरीले जनाएको छ ।

त्यसैगरी भन्सार छली नियन्त्रणमा ४८ लाख भन्दा बढीका सामान बरामद गरिएको छ । प्रहरीका अनुसार सचेतनामूलक कार्यक्रम, गस्ती तथा चेकिङलाई समेत तीव्र बनाउँदै जिल्लाको शान्ति सुरक्षा थप मजबुत बनाइएको छ।

प्रकाशित मिति: सोमबार, जेठ ४, २०८३ २१:३३

प्रतिक्रिया दिनुहोस्