बाँके प्रहरीको 'असार' प्रगति : २१६ मुद्दा दर्ता, १५७ पक्राउ, ४ करोड ७१ लाख असुल

सुरक्षा-अपराध

गृहपृष्ठ
सुरक्षा-अपराध
बाँके प्रहरीको 'असार' प्रगति : २१६ मुद्दा दर्ता, १५७ पक्राउ, ४ करोड ७१ लाख असुल

बाँके प्रहरीको 'असार' प्रगति : २१६ मुद्दा दर्ता, १५७ पक्राउ, ४ करोड ७१ लाख असुल

बुधबार, साउन ६, २०८३ बागेश्वरी पोस्ट

नेपालगञ्ज । जिल्ला प्रहरी कार्यालय बाँकेले असार महिनामा अपराध नियन्त्रण, लागूऔषध कारोबार नियन्त्रण, फरार प्रतिवादी पक्राउ तथा भन्सार छली नियन्त्रणमा उल्लेखनीय सफलता हासिल गरेको जनाएको छ ।

प्रहरीका अनुसार असारभर २१६ वटा मुद्दा दर्ता भएका छन् भने १५७ जना प्रतिवादी पक्राउ परेका छन् । फैसला कार्यान्वयन अभियान अन्तर्गत ९२ जना फरार प्रतिवादी पक्राउ परेका छन् । उनीहरूबाट ४५ वर्ष ३ महिना २३ दिन कैद सजाय कार्यान्वयन हुनुका साथै ४ करोड ७१ लाख रुपैयाँ भन्दा बढी बिगो तथा क्षतिपूर्ति असुल गरिएको छ ।

लागूऔषध नियन्त्रण अभियानमा २४ वटा मुद्दा दर्ता गरी ३९ जनालाई पक्राउ गरिएको छ । यस क्रममा ब्राउनसुगर, चरेस, नाइट्राजेपाम र ट्रामाडोल बरामद गरिएको प्रहरीले जनाएको छ । सीमा क्षेत्रमा ३५ लाख ५९ हजार रुपैयाँ भन्दा बढीका अवैध सामान बरामद गरिएको छ ।

असार महिनामा १९ वटा सवारी दुर्घटनामा ७ जनाको मृत्यु र २७ जना घाइते भएका छन् । दुर्घटनाको प्रमुख कारण तीव्र गति रहेको प्रहरीको विश्लेषण छ । अपराध न्यूनीकरणका लागि ११५ वटा विद्यालय तथा समुदाय केन्द्रित सचेतनामूलक कार्यक्रम सञ्चालन गरी ३ हजार ५२७ जनालाई सहभागी गराइएको जिल्ला प्रहरी कार्यालय बाँकेले जनाएको छ ।

प्रकाशित मिति: बुधबार, साउन ६, २०८३ २०:२०

प्रतिक्रिया दिनुहोस्