बैंकिङ कसुर अनुसन्धानमा कर्णाली विकास बैंकका पूर्व सीईओसहित तीन जना पक्राउ

सुरक्षा-अपराध

गृहपृष्ठ
सुरक्षा-अपराध
बैंकिङ कसुर अनुसन्धानमा कर्णाली विकास बैंकका पूर्व सीईओसहित तीन जना पक्राउ

बैंकिङ कसुर अनुसन्धानमा कर्णाली विकास बैंकका पूर्व सीईओसहित तीन जना पक्राउ

शुक्रबार, साउन २२, २०८३ बागेश्वरी पोस्ट

नेपालगञ्ज । बैंकिङ कसुर तथा आर्थिक अनियमिततासम्बन्धी अनुसन्धानका क्रममा कर्णाली विकास बैंकका तत्कालीन प्रमुख कार्यकारी अधिकृत (सीईओ) निरजविक्रम शाहसहित तीन जनालाई प्रहरीले पक्राउ गरेको छ ।

जिल्ला प्रहरी कार्यालय बाँकेका अनुसार पक्राउ पर्नेमा तत्कालीन सीईओ शाह, उनकी श्रीमती शुभेक्षा श्रेष्ठ तथा कर्णाली विकास बैंकको नेपालगञ्ज शाखाकी तत्कालीन शाखा प्रबन्धक दीपा थापा रहेका छन् । उनीहरूलाई नेपालगञ्जबाट नियन्त्रणमा लिइएको प्रहरीले जनाएको छ ।

प्रहरीले बैंकसँग सम्बन्धित आर्थिक अनियमितता र बैंकिङ कसुरसम्बन्धी मुद्दामा अनुसन्धान अघि बढाउने क्रममा उनीहरूलाई पक्राउ गरिएको जानकारी दिएको छ ।

यसै प्रकरणमा संलग्न रहेको आरोप लागेका अन्य केही प्रतिवादी अझै फरार रहेका छन् । केही व्यक्तिहरू भने यसअघि नै पक्राउ परिसकेका छन् । केही कारागार चलान पनि भएका छन् ।

प्रहरीले फरार प्रतिवादीहरूको खोजी कार्य जारी रहेको र घटनाबारे थप अनुसन्धान भइरहेको जनाएको छ ।

प्रकाशित मिति: शुक्रबार, साउन २२, २०८३ १३:२१

प्रतिक्रिया दिनुहोस्