लागूऔषधसहित दुई जना पक्राउ, तीन लाख बढी नगद बरामद

सुरक्षा-अपराध

गृहपृष्ठ
सुरक्षा-अपराध
लागूऔषधसहित दुई जना पक्राउ, तीन लाख बढी नगद बरामद

लागूऔषधसहित दुई जना पक्राउ, तीन लाख बढी नगद बरामद

बुधबार, भदौ १७, २०८३ बागेश्वरी पोस्ट

नेपालगन्ज । नेपालगन्ज उपमहानगरपालिका क्षेत्रबाट प्रहरीले लागूऔषधसहित दुई जनालाई पक्राउ गरेको छ । जिल्ला प्रहरी कार्यालय बाँकेका अनुसार जिल्ला प्रहरी कार्यालय बाँके र लागूऔषध नियन्त्रण ब्यूरोबाट खटिएको संयुक्त टोलीले नेपालगन्ज उपमहानगरपालिका -२० गायत्री टोलबाट १ ग्राम ४७० मिमिग्राग खैरो हेरोइनसहित सोही उपमहानगरपालिका-२० मनिकापुर बस्ने ३० वर्षीय अकतर अली दर्जीलाई पक्राउ गरिएको हो । थप अनुसन्धानको क्रममा अकतरको घर तलासी गर्दा २ लाख ५६ हजार ९ सय नेपाली रूपैयाँ र ५० हजार भारतीय रूपैयाँ फेला पारी बरामद गगरिएको बाँके प्रहरीले जनाएको छ । प्रहरीले अर्को घटनामा सोही ठाउँबाट ४० मिलिग्राम खैरो हेरोइनसहित कोहलपुर नगरपालिका-१३ भरैया बस्ने २७ वर्षीय दिपक थारूलाई पनि पक्राउ गरेको छ । पक्राउ परेका दुबै जनासँग थप अनुसन्धान भइरहेको जिल्ला प्रहरी कार्यालय बाँकेले जनाएको छ ।

प्रकाशित मिति: बुधबार, भदौ १७, २०८३ १७:४४

प्रतिक्रिया दिनुहोस्