बाँकेमा लागूऔषधसहित ८ जना पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा लागूऔषधसहित ८ जना पक्राउ

बाँकेमा लागूऔषधसहित ८ जना पक्राउ

बिहीबार, भदौ १८, २०८३ बागेश्वरी पोस्ट

नेपालगञ्ज । बाँकेमा लागूऔषधसहित ८ जनालाई प्रहरीले पक्राउ गरेको छ । जिल्ला प्रहरी कार्यालय बाँकेका अनुसार डुडुवा गाउँपालिका–४ फुटाहाबाट १ ग्राम ५५० मिलिग्राम ब्राउन सुगरसहित सोही ठाउँका ५८ वर्षीय जिलेदार खानलाई प्रहरीले पक्राउ गरेको हो ।

लागूऔषध नियन्त्रण ब्यूरो शाखा कार्यालय नेपालगन्जबाट खटिएको टोलीले उनलाई पक्राउ गरेको जनाएको छ । जिलेदारमाथि अनुसन्धान गर्ने क्रममा उक्त पदार्थ सोही ठाउँका ४५ वर्षीय सगिर खानबाट खरिद गरेको खुलेपछि प्रहरीले सगिरलाई समेत पक्राउ गरेको थियो ।

यसैगरी, कोहलपुर नगरपालिका–११ लोकनगर गन्धर्भ बस्तीबाट ५५० मिलिग्राम ब्राउन सुगरनसहित २१ वर्षीय पवन गन्धर्बसहित ६ जनालाई प्रहरीले पक्राउ गरेको छ । इलाका प्रहरी कार्यालय कोहलपुरबाट खटिएको टोलीले उनीहरूलाई पक्राउ गरेको जिल्ला प्रहरी कार्यालय बाँकेले जनाएको छ ।

बुधबार दिउँसो डुडुवाबाट २ जना र गएराति कोहलपुरबाट पक्राउ परेका ६ जनाविरुद्ध थप अनुसन्धान गरिरहेको बाँके प्रहरीले जनाएको छ ।

प्रकाशित मिति: बिहीबार, भदौ १८, २०८३ १७:४८

प्रतिक्रिया दिनुहोस्