ब्राउन सुगरसहित तीन जना पक्राउ

सुरक्षा-अपराध

गृहपृष्ठ
सुरक्षा-अपराध
ब्राउन सुगरसहित तीन जना पक्राउ

ब्राउन सुगरसहित तीन जना पक्राउ

शनिबार, भदौ २०, २०८३ बागेश्वरी पोस्ट

नेपालगञ्ज । नेपालगञ्जको गंगापुर क्षेत्रबाट प्रहरीले ब्राउन सुगरसहित तीन जनालाई पक्राउ गरेको छ ।

नेपालगञ्ज उपमहानगरपालिका–१३ स्थित गंगापुरबाट पक्राउ पर्नेमा खजुरा गाउँपालिका–१ सैनिकका २६ वर्षीय रस्मित थापा, बर्दियाको बढैयाताल गाउँपालिका–८ शितलाबजारका २९ वर्षीय पबन उपाध्याय र सोही गाउँपालिका–९ मैनापोखरका २७ वर्षीय शिशिर पौडेल रहेको प्रहरी प्रधान कार्यालयले जनाएको छ ।

प्रहरी प्रधान कार्यालयका अनुसार उनीहरूको साथबाट ६ सय ६० मिलिग्राम ब्राउनसुगर बरामद भएको हो । उनीहरूलाई तेलियपुर प्रहरी चौकीबाट खटिएको टोलीले उक्त पदार्थसहित नियन्त्रणमा लिएको हो ।

पक्राउ परेका थापाले प्रयोग गर्दै आएको भे ५ प २७२५ नम्बरको मोटरसाइकलसमेत प्रहरीले बरामद गरेको गर्दै घटनाबारे बाँके प्रहरीले थप अनुसन्धान गरिरहेको प्रहरी प्रधान कार्यालयले जनाएको छ ।

प्रकाशित मिति: शनिबार, भदौ २०, २०८३ २२:०८

प्रतिक्रिया दिनुहोस्