नेपालगन्जबाट ३ लाख ५७ हजार रुपैयाँ बराबरका मोबाइल बरामद

सुरक्षा-अपराध

गृहपृष्ठ
सुरक्षा-अपराध
नेपालगन्जबाट ३ लाख ५७ हजार रुपैयाँ बराबरका मोबाइल बरामद

नेपालगन्जबाट ३ लाख ५७ हजार रुपैयाँ बराबरका मोबाइल बरामद

सोमबार, भदौ २२, २०८३ बागेश्वरी पोस्ट

प्रतिकारातम्क तस्बिर

बाँके । जिल्ला प्रहरी कार्यालय बाँकेले भारतबाट अवैध रुपले ल्याइएको लाखौं रुपैयाँ बढीका स्मार्ट मोबाइल फोन बरामद गरेको छ।

जिल्ला प्रहरी कार्यालय बाँकेका अनुसार नेपालगन्ज उपमहानगरपालिका–२ क्षेत्रमा बिलबिजक नभएका मोबाइल ओसारपसार भइरहेको भन्ने सूचनाका आधारमा प्रहरीले चेकजाँच गरेको थियो।

चेकजाँचका क्रममा नेपालगन्ज उपमहानगरपालिका–१६ जयसपुरका समिर अहमदलाई शंका लागी खानतलासी गर्दा उनले बोकेको झोलाबाट विभिन्न कम्पनीका १९ थान मोबाइल फोन बरामद गरिएको बाँके प्रहरीले जानकारी दिव्को छ।

प्रहरीका अनुसार बरामद मोबाइलको अन्दाजी मूल्य ३ लाख ५७ हजार रुपैयाँ रहेको छ। बरामद मोबाइलमा बिलबिजक तथा अन्य कुनै कागजपत्र नभएको प्रहरीले जनाएको छ।

बरामद मोबाइलसहित अहमदलाई आवश्यक कारबाहीका लागि आज भन्सार कार्यालय नेपालगन्जमा पठाइएको जिल्ला प्रहरी कार्यालय बाँकेले जनाएको छ।

प्रकाशित मिति: सोमबार, भदौ २२, २०८३ १६:२०

प्रतिक्रिया दिनुहोस्