आगलागीपीडित व्यवसायीलाई स्वर्गद्वारी समाजको ४० हजार १०० रुपैयाँ सहयोग

समाचार

गृहपृष्ठ
समाचार
आगलागीपीडित व्यवसायीलाई स्वर्गद्वारी समाजको ४० हजार १०० रुपैयाँ सहयोग

आगलागीपीडित व्यवसायीलाई स्वर्गद्वारी समाजको ४० हजार १०० रुपैयाँ सहयोग

शनिबार, कात्तिक २८, २०८३ बागेश्वरी पोस्ट

नेपालगञ्ज । विद्युत् सर्ट भई भएको आगलागीबाट ठूलो क्षति व्यहोरेका जानकी गाउँपालिका वडा नम्बर ३ कोरियनपुरका व्यवसायीलाई स्वर्गद्वारी समाजले आर्थिक सहयोग गरेको छ ।

गत कार्तिक २२ गते साँझ करिब ६ बजे भएको आगलागीबाट लक्ष्मी बिजुली भण्डार एण्ड जनरल अर्डर सप्लायर्स तथा जय हनुमान ट्रेडर्स एण्ड सप्लायर्सका पसल, गोदाम र कार्यालय पूर्ण रूपमा जलेर नष्ट भएका थिए । आगलागीबाट ठूलो आर्थिक तथा भौतिक क्षति पुगेको थियो । ३ करोड बढी क्षति भएको सञ्चालकको भनाइ छ ।

आगलागीपीडित व्यवसायीलाई राहत तथा व्यवसाय पुनः सञ्चालनमा सहयोग पुर्‍याउने उद्देश्यले स्वर्गद्वारी समाजका अध्यक्ष जेन्टिल गौतमसहित समाजको सम्पूर्ण टिमको संयुक्त पहलमा ४० हजार १०० रुपैयाँ आर्थिक सहयोग प्रदान गरिएको हो ।

सामाजिक उत्तरदायित्व र मानवीय संवेदनशीलतालाई आत्मसात् गर्दै प्रदान गरिएको उक्त सहयोग रकम पीडित व्यवसायी तुलसा बस्नेत ओलीलाई हस्तान्तरण गरिएको समाजले जनाएको छ ।

दुःख र विपद्का बेला एकअर्कालाई सहयोग गर्नु सामाजिक एकता र मानवीयताको महत्वपूर्ण उदाहरण भएको उल्लेख गर्दै समाजले यस सहयोगले पीडित परिवारलाई व्यवसाय पुनः सञ्चालन गर्न केही भए पनि राहत पुग्ने विश्वास व्यक्त गरेको छ ।

प्रकाशित मिति: शनिबार, कात्तिक २८, २०८३ १८:३३

प्रतिक्रिया दिनुहोस्