रूपन्देहीमा ५ जनाको हत्या !

सुरक्षा-अपराध

गृहपृष्ठ
सुरक्षा-अपराध
रूपन्देहीमा ५ जनाको हत्या !

रूपन्देहीमा ५ जनाको हत्या !

मंगलबार, जेठ २७, २०७७ बागेश्वरी पोस्ट

नेपालगन्ज । रूपन्देहीमा ५ जनाको हत्या भएको छ । जिल्ला प्रहरी कार्यालय रूपन्देहीका अनुसार रुपन्देहीको तिलोत्तमा–१० कान्छीबजारमा ५ जनाको हत्या भएको हो ।

घटना गएरातिको हो । प्रहरी स्रोतका अनुसार बन्चरो प्रहार गरेर हत्या गरेका हुन् । हत्या हुनेहरुमा चार पुरुष र एक महिला छन् । उनीहरु सबै स्थानीय हुन् । मृतकहरुमा माधव मुसहर,जानकी मुसहर, करण चौधरी, आशिष चौधरी, पोषराज मुसहर हुन् ।

स्थानीय कृष्ण पुनको भैंसी फर्ममा ६ जना कामदार थिए । एकजना भुसभित्र लुकेको अवस्थामा फेला परेको र उनी अचेत रहेकाले उपचारका लागि अस्पताल पुर्याइएको रुपन्देही प्रहरी प्रमुख एसपी हेमकुमार थापाले बताए । घटनास्थललाई प्रहरीले नियन्त्रणमा लिई अनुसन्धान शुरु गरेको एसपी थापाले बताए ।

घटनाबारे बिहानै स्थानीयले खबर दिएपछि मंगलापुर प्रहरी चौकीबाट टोली अपराधस्थलमा पुगेको थियो । त्यसपछि सुर्खेतका झपेन्द्र सिजापतीलाई घटनामा संलग्न भएको आरोपमा प्रहरीले पक्राउ गरेको छ ।

स्रोतका अनुसार सिजापती लागू औषध दुर्व्यसनी हुन् । थप अनुसन्धान भइरहेको एसपी थापाले बताए ।

प्रकाशित मिति: मंगलबार, जेठ २७, २०७७ ०७:४०