नेपालगन्जका विभिन्न किराना एवं खाद्य पसलहरुको वाणिज्य कार्यालयद्वारा अनुगमन

अर्थ

गृहपृष्ठ
अर्थ
नेपालगन्जका विभिन्न किराना एवं खाद्य पसलहरुको वाणिज्य कार्यालयद्वारा अनुगमन

नेपालगन्जका विभिन्न किराना एवं खाद्य पसलहरुको वाणिज्य कार्यालयद्वारा अनुगमन

असहयोग गर्ने व्यवसायीलाई कारवाही

सोमबार, असार ८, २०७७ सुनिल रेग्मी

नेपालगन्ज । वाणिज्य, आपूर्ति तथा उपभोक्ता संरक्षण कार्यालय, नेपालगन्जको अगुवाइमा आज नेपालगन्जका विभिन्न किराना एवं खाद्य पसलहरुको अनुगमन गरिएको छ ।

नियमित अनुगमनका क्रममा आज नेपालगञ्ज उपमहानगरपालिका स्थित एकलैनीमा रहेको विरेन्द्र किराना पसलले व्यवसाय दर्ता लगायत अनुगमन टोलीले मागेका आवश्यक कागजात नदेखाई असहयोग र अनुगमनमा वाधा पुर्याएको हुँदा उपभोक्ता संरक्षण ऐन, २०७५ को दफा ३८ को खण्ड (ड) बमोजिमको कसुरमा सोहि ऐनको दफा ३९ को उपदफा (१) को खण्ड (ङ) बमोजिम तत्काल रू तत्काल रु २०,०००।- जरिवाना गरि सात दिन भित्र व्यवसाय दर्ता/नवीकरण लगायत आवश्यक कागजात यस कार्यालयमा पेश गर्न निर्देशन दिइएको छ ।

आजै अनुगमनका क्रममा विभिन्न पसलहरुमा उपभोग्य मिति समाप्त भएका चामल, बिस्कुट,मसला, दन्तमन्जन लगायत अन्दाजी करिब १४,०००।- भन्दा बढीको मालसामान व्यवसायीहरुलाई नष्ट गर्न निर्देशन दिइएको छ ।

लकडाउनको समयमा अत्यावश्यक बस्तुहरुको अभाव नहोस् र उपभोक्ता ठगिमा नपरुन् भन्ने ध्येयका साथ यस कार्यालयबाट विषयगत कार्यालयका प्रमुख एवं प्रतिनिधि, विषय विज्ञ, उपभोक्ता प्रतिनिधि, संचारकर्मी लगायतको सहभागीतामा बजार अनुगमन कार्यलाई निरन्तर रुपमा अगाडी बढाईएको छ ।

सोमबार भएको बजार अनुगमनमा वाणिज्य कार्यालयका प्रमुख कृष्ण प्रसाद पौड्याल, जिल्ला प्रशासन कार्यालयका प्रशासकीय अधिकृत हरिशचन्द्र शर्मा, खाद्य प्रविधि तथा गुण नियन्त्रण कार्यालयका निरिक्षण अधिकृत नेत्रा बोगटी, वडा प्रहरी कार्यालयका प्रहरी सहायक निरीक्षक प्रेम बहादुर भण्डारी, उपभोक्ता अधिकारकर्मी प्रभात कुमार ठकुरी लगायतको सहभागिता रहेको वाणिज्य कर्यालयका सूचना अधिकारी देवीलाल चौलागाईं जानकारी दिनुभयो ।

प्रकाशित मिति: सोमबार, असार ८, २०७७ १९:०१

प्रतिक्रिया दिनुहोस्