घर भत्किँदा एकै परिवारका चार जनाको मृत्यु

समाचार

गृहपृष्ठ
समाचार
घर भत्किँदा एकै परिवारका चार जनाको मृत्यु

घर भत्किँदा एकै परिवारका चार जनाको मृत्यु

मंगलबार, साउन २७, २०७७ बागेश्वरी पोस्ट

प्रतिकात्मक तस्बिर

नेपालगन्ज । घर भत्किँदा एकै परिवारका चार जनाको मृत्यु भएको छ । त्यस्तै पाँच जना घाइते भएका छन् ।

डोटीको आदर्श गाउँपालिका १ बाँझककानी खलगडामा गएराति करिब एक बजे स्थानीय अन्दाजी ३२ वर्षीय लोगे विकको घर भत्किँदा उनकी श्रीमती विष्ना विक, १२ वर्षीय छोरा पारस, छोरीहरु आठ वर्षीया सिर्जना र चार वर्षीया जेनिसाको मृत्यु भएको हो।

सोही घटनामा लोगे, उनकी आमा ताना लुहार र एक छोरी घाइते भएका छन् । यस्तै भेटघाट गर्न आएका लोगेकी सासु आमा र साला पनि घाइते भएका छन् । घाइतेहरुको स्थानीय स्वास्थ्य संस्थामा प्राथमिक उपचारपछि थप उपचारका सदरमुकाम लगिएको छ।

प्रकाशित मिति: मंगलबार, साउन २७, २०७७ १०:४४

प्रतिक्रिया दिनुहोस्