डोटीमा बस दुर्घटना हुँदा ३ जनाको मृत्यु,३२ घाइते

समाचार

गृहपृष्ठ
समाचार
डोटीमा बस दुर्घटना हुँदा ३ जनाको मृत्यु,३२ घाइते

डोटीमा बस दुर्घटना हुँदा ३ जनाको मृत्यु,३२ घाइते

बुधबार, साउन २८, २०७७ बागेश्वरी पोस्ट

डोटी । डोटीमा बस दुर्घटना हुँदा तीन जनाको घटनास्थलमै मृत्यु भएको छ ।

डोटीको पूर्वीचौकी गाउँपालिकामा उक्त बस दुर्घटना भएको हो। सो बस दुर्घटनामा ३२ जना घाईते भएका छन् । मृतकहरुको अझै सनाखत हुन सकेको छैन।

गौरिफण्टा नाकाबाट भित्रिएका नेपाली नागरिक बोकेर धनगढीबाट अछाम जाँदै गरेको ना ६ ख २५२९ नम्बरको यात्रुबाहक बस बुधबार बिहान ६ बजे दुर्घटनामा परेको जिल्ला प्रहरी कार्यालय डोटीले जनाएको छ ।

घाइतेहरुलाई उपचारका लागि जिल्ला अस्पताल डोटी ल्याउने तयारी भइरहेको जिल्ला प्रहरी कार्यालय डोटीका प्रहरी प्रमुख प्रहरी उपरीक्षक जनकराज पाण्डेले बताए ।

उनले भने, “हामी घटनास्थलमै घाइतेको उद्धार गरिरहेका छौँ, घाइतेको सङ्ख्या अधिक छ, जिल्ला अस्पताल पठाउने तयारीमा छौँ ।” बस सडकबाट ३० मिटर तल खसेको थियो ।

वर्षाका कारण सडक चिप्लो भएकाले गाडी दुर्घटना भएको हुनसक्ने जिल्ला ट्राफिक प्रहरी कार्यालय दिपायलले जनाएको छ ।